കർണാടകയിൽ പുതിയ 3,589 കേസുകൾ കൂടി
കൊവിഡ് കേസുകൾ ഉയർന്ന തോതിലുണ്ടായിരുന്ന കർണാകടയിൽ കഴിഞ്ഞ 24 മണിക്കൂറിനിടെ 3,589 പുതിയ കേസുകളാണ് റിപ്പോര്ട്ട് ചെയ്തിരിക്കുന്നത്. 49 മരണങ്ങളും റിപ്പോർട്ട് ചെയ്തു. സംസ്ഥാനത്ത് 59,499 സജീവ കേസുകളാണ് നിലവിലുള്ളത്. ഇതോടെ സംസ്ഥാനത്ത് ഇതുവരെ 8,20,398 പേർക്ക് കൊവിഡ് സ്ഥിരീകരിച്ചു. 7,49,740 പേർക്ക് രോഗമുക്തിയുണ്ടായി. 11,140 പേർക്ക് ജീവൻ നഷ്ടമായെന്നും ആരോഗ്യവകുപ്പ് വ്യക്തമാക്കി.
മഹാരാഷ്ട്രയിൽ 6,190 പുതിയ കേസുകൾ
കഴിഞ്ഞ ദിവസങ്ങളിൽ കൊവിഡ് കേസുകൾ കുറഞ്ഞ് നിന്ന മഹാരാഷ്ട്രയിൽ കഴിഞ്ഞ 24 മണിക്കൂറിൽ കൊവിഡ് കേസുകൾ ഉയർന്ന് നിന്നു. കഴിഞ്ഞ മണിക്കൂറിൽ 6,190 പുതിയ കൊവിഡ് കേസുകളും 127 മരണങ്ങളും റിപ്പോർട്ട് ചെയ്തു.
ഈ മണിക്കൂറിൽ 8,241 പേർക്ക് രോഗമുക്തിയുണ്ടായി. ഇതോടെ സംസ്ഥാനത്തെ ആകെ കൊവിഡ് കേസുകളുടെ എണ്ണം 16,72,858 ആയി ഉയർന്നു. 15,03,050 പേർക്ക് ഇതുവരെ രോഗമുക്തിയുണ്ടായി. 43,837 പേർക്കാണ് ഇതുവരെ ജീവൻ നഷ്ടമായത്. 1,25,418 സജീവ കേസുകളാണ് സംസ്ഥാനത്തുള്ളത്.
തമിഴ്നാട്ടിൽ കൊവിഡ് കേസുകൾ കുറയുന്നു
ദിനം പ്രതിയുള്ള കൊവിഡ് കണക്കുകൾ കുറയുകയാണെന്ന് തമിഴ്നാട് ആരോഗ്യവകുപ്പ് വ്യക്തമാക്കുന്നു. കഴിഞ്ഞ 24 മണിക്കൂറിനിടെ സംസ്ഥാനത്ത് 2,608 പേര്ക്ക് പുതിയതായി കൊവിഡ് സ്ഥിരീകരിച്ചു. 3,924 പേർ രോഗമുക്തി നേടിയപ്പോൾ 38 മരണവും ഉണ്ടായി. ഇതോടെ സംസ്ഥാനത്തെ ആകെ കൊവിഡ് കേസുകളുടെ എണ്ണം 7,22,011 ആയി. ഇതുവരെ 6,87,388 പേർക്ക് രോഗമുക്തിയുണ്ടായപ്പോൾ 11,091 പേർക്ക് ജീവൻ നഷ്ടമായി. 23,532 രോഗികളാണ് ഇപ്പോള് ചികിത്സയിലുള്ളതെന്നും ആരോഗ്യവകുപ്പ് വ്യക്തമാക്കി.
കേരളത്തിലെ കൊവിഡ് കേസുകൾ
ദിനം പ്രതിയുള്ള കൊവിഡ് കേസുകൾ കേരളത്തിൽ ഇന്നും ഉയർന്ന തോതിൽ റിപ്പോർട്ട് ചെയ്തു. കഴിഞ്ഞ 24 മണിക്കൂറിനിടെ സംസ്ഥാനത്ത് 6,638 പേര്ക്ക് കൊവിഡ് സ്ഥിരീകരിച്ചപ്പോൾ 7,828 പേര് രോഗമുക്തി നേടി. 28 മരണങ്ങൾ സംഭവിച്ചതോടെ ആകെ മരണം 1457 ആയി ഉയർന്നു. ഇതോടെ 90,565 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 3,32,994 പേര് ഇതുവരെ കൊവിഡില് നിന്നും മുക്തി നേടി. വിവിധ ജില്ലകളിലായി 2,88,635 പേരാണ് ഇപ്പോള് നിരീക്ഷണത്തിലുള്ളത്.
ഡൽഹി വീണ്ടും ആശങ്ക ഉയര്ത്തുന്നു
രാജ്യ തലസ്ഥാനമായ ഡൽഹിയിൽ കൊവിഡ് കണക്കുകള് ഉയരുന്നത് കടുത്ത ആശങ്ക ഉയര്ത്തുന്നു. 24 മണിക്കൂറിനുളളിൽ 5,891 പുതിയ കേസുകളാണ് റിപ്പോര്ട്ട് ചെയ്തിരിക്കുന്നത്. 4,433 രോഗമുക്തിയും റിപ്പോര്ട്ട് ചെയ്തു. ഈ കാലത്തിനുള്ളില് 47 മരണവും ഡൽഹിയിൽ റിപ്പോർട്ട് ചെയ്തു.
പുതിയ കണക്കുകള് കൂടി വന്നതോടെ സംസ്ഥാനത്ത് റിപ്പോര്ട്ട് ചെയ്ത കൊവിഡ് രോഗികളുടെ എണ്ണം 3,81,644 ആയി ഉയര്ന്നു. 3,42,811 രോഗമുക്തിയും ഉണ്ടായിട്ടുണ്ട്. 32,363 സജീവ രോഗികളാണുള്ളത്.