24 മണിക്കൂറിനിടെ 86,821 കൊവിഡ് കേസുകൾ
രാജ്യത്ത് കഴിഞ്ഞ 24 മണിക്കൂറിനിടെ 86,821 കൊവിഡ് കേസുകളാണ് സ്ഥിരീകരിച്ചത്. ഇതോടെ ആകെ കൊവിഡ് ബാധിതരുടെ എണ്ണം 63,12,585 ആയി ഉയർന്നിരിക്കുകയാണ്. ലോകത്തിലെ തന്നെ ഏറ്റവും ഉയർന്ന പ്രതിദിന കൊവിഡ് കേസുകളാണ് ഇപ്പോൾ ഇന്ത്യയിൽ റിപ്പോർട്ട് ചെയ്യുന്നത്. 9,40,705 ആക്ടീവ് കേസുകളാണ് നിലവിൽ രാജ്യത്തുള്ളത്. 52,73,202 പേർക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി.
രാജ്യത്തെ കൊവിഡ് കണക്ക്
കൊവിഡ് മരണങ്ങൾ 98,000 കടന്നു
രാജ്യത്ത് പ്രതിദിന കൊവിഡ് മരണങ്ങളിൽ വീണ്ടും വർധനവ് രേഖപ്പെടുത്തിയിരിക്കുകയാണ്. ചൊവ്വാഴ്ച്ചയൊഴികെയുള്ള ദിവസങ്ങളിലെല്ലാം പ്രതിദിനം ആയിരത്തിലധികം മരണങ്ങൾ രാജ്യത്ത് റിപ്പോർട്ട് ചെയ്തിരുന്നു. കേന്ദ്ര ആരോഗ്യ മന്ത്രാലയം പുറത്തുവിട്ട കണക്കുകൾ പ്രകാരം 1,181 കൊവിഡ് മരണങ്ങളാണ് കഴിഞ്ഞ 24 മണിക്കൂറിനിടെ റിപ്പോർട്ട് ചെയ്തത്. ഇതോടെ രാജ്യത്തെ ആകെ കൊവിഡ് മരണങ്ങൾ 98,678 ആയി ഉയർന്നിരിക്കുകയാണ്.
രാജ്യത്ത് കൊവിഡ് പരിശോധന 14 ലക്ഷം
രാജ്യത്ത് കഴിഞ്ഞ 24 മണിക്കൂറിനിടെ 14 ലക്ഷം സാമ്പിളുകളാണ് പരിശോധിച്ചത്. ഇന്ത്യയുടെ ചരിത്രത്തില്‍ ഏറ്റവും ഉയര്‍ന്ന കൊവിഡ് പരിശോധനയാണ് ഇത്. സെപ്റ്റംബര്‍ 30ന് 14,23,052 കൊവിഡ് സാമ്പിളുകളാണ് പരിശോധിച്ചത്. ഇതോടെ ഇതുവരെ നടത്തിയ പരിശോധനകളുടെ എണ്ണം 7,56,19,781 ആയി ഉയർന്നെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് വ്യക്തമാക്കി. കഴിഞ്ഞദിവസം 10 ലക്ഷത്തിലധികം പരിശോധനകൾ നടത്തിയപ്പോഴായിരുന്നു 80,000ത്തിലധികം കൊവിഡ് കേസുകൾ റിപ്പോർട്ട് ചെയ്തത്. വീണ്ടും പരിശോധനാ നിരക്ക് ഉയര്‍ത്തിയിട്ടും രോഗബാധ കേസുകളില്‍ ഗണ്യമായ വര്‍ദ്ധനവ് ഉണ്ടാകാത്തത് പ്രതീക്ഷയേകുന്നു.
രാജ്യത്തെ കൊവിഡ് പരിശോധന
ആശങ്കയായി കേരളം
രാജ്യത്തെ് കൊവിഡ് ബാധ ഏറ്റവും തീവ്രമായ സംസ്ഥാനമായി കേരളം മാറി കഴിഞ്ഞുവെന്ന് ഐഎംഎ റിപ്പോര്‍ട്ട് ചെയ്യുന്നു. അതീവ ഗുരുതരമായ സാഹചര്യത്തിലേക്കാണ് കേരളം പോകുന്നതെന്നാണ് ദിനംപ്രതിയുള്ള കൊവിഡ് കണക്കുകളിൽ സൂചിപ്പിക്കുന്നു. ബുധനാഴ്ച 8,830 പേര്‍ക്ക് കൊവിഡ് സ്ഥിരീകരിച്ചപ്പോൾ 3,536 പേർക്ക് മാത്രമാണ് രോഗമുക്തിയുണ്ടായി. 7695 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 784 പേരുടെ സമ്പര്‍ക്ക ഉറവിടം വ്യക്തമല്ല. 23 മരണങ്ങൾ സ്ഥിരീകരിച്ചതോടെ സംസ്ഥാനത്തെ ആകെ കൊവിഡ് മരണം 742 ആയി. കഴിഞ്ഞ 24 മണിക്കൂറിനിടെ 63,682 സാമ്പിളുകളാണ് പരിശോധിച്ചു. വിവിധ ജില്ലകളിലായി 2,40,884 പേരാണ് ഇപ്പോള്‍ നിരീക്ഷണത്തിലുള്ളത്. 67061 പേർ ചികിത്സയിലുണ്ട്. കേരളത്തിൽ ഇതുവരെ 1,28,224 പേര്‍ ഇതുവരെ കൊവിഡിൽ നിന്നും മുക്തി നേടി.