കൊവിഡില്‍ ആശ്വാസം; കഴിഞ്ഞ 24 മണിക്കൂറിനിടെ 70,496 രോഗബാധ, 964 മരണം

ന്യൂഡല്‍ഹി: കഴിഞ്ഞ കുറച്ച് ദിവസങ്ങളായി രാജ്യത്ത് കൊവിഡ് രോഗികളുടെ എണ്ണം താരതമ്യേന കുറവാണ് രേഖപ്പെടുത്തുന്നത്. ഇതേസമയം സെപ്തംബറില്‍ 90,000 കവിഞ്ഞാണ് കൊവിഡ് കേസുകള്‍ രാജ്യത്ത് റിപ്പോര്‍ട്ട് ചെയ്തിരുന്നത്. എന്നാല്‍, കഴിഞ്ഞ 24 മണിക്കൂറിനിടെ രാജ്യത്ത് 70,496 പുതിയ കേസുകളാണ് റിപ്പോര്‍ട്ട് ചെയ്തിരിക്കുന്നത്. ഇതോടെ രോഗബാധ 69 ലക്ഷം പിന്നിട്ടു.

Also Read: കാറിന് പിന്നില്‍ 2 തവണ ലോറി ഇടിച്ചു; അപകടം ആസൂത്രിതം, അബ്ദുല്ലക്കുട്ടിയെ ആക്രമിച്ചെന്ന് പരാതി


ഇന്നലെ മാത്രം 964 കൊവിഡ് മരണങ്ങളാണ് രാജ്യത്ത് റിപ്പോര്‍ട്ട് ചെയ്തത്. ഇതോടെ ആകെ മരണസംഖ്യ 1,06,490 ആയി ഉയര്‍ന്നു. രാജ്യത്തെ ആകെ കൊവിഡ് രോഗികള്‍ 69,06,152 ആണ്. നിലവില്‍ വിവിധ ആശുപത്രികളിലായി 8,93,592 രോഗികളാണ് ചികിത്സയിലുള്ളത്. 59,06,070 രോഗികള്‍ കൊവിഡ് രോഗമുക്തി നേടിയതായി കേന്ദ്ര ആരോഗ്യമന്ത്രാലയം അറിയിച്ചു.

മഹാരാഷ്ട്രയിൽ ഇന്നലെ 13,395 പേർക്കാണ് കൊവിഡ്-19 ബാധിച്ചത്. 358 പേർക്കാണ് രോഗത്തെത്തുടർന്ന് ജീവൻ നഷ്ടമായത്. 15,575 പേരാണ് രോഗമുക്തി നേടിയത്. ഇതോടെ സംസ്ഥാനത്ത് ആകെ രോഗം ബാധിച്ചവർ 14,93,884 ആയി. 39,430 മരണങ്ങളാണ് ഇതുവരെ സംസ്ഥാനത്ത് റിപ്പോർട്ട് ചെയ്തിരിക്കുന്നത്. 11,96,441 പേർ ഇതുവരെ ആശുപത്രി വിട്ടു. 2,41,986 ആക്ടീവ് കേസുകളാണ് നിലവിൽ സംസ്ഥാനത്തുള്ളത്.

മുംബൈയിൽ 2823 പേർക്കാണ് ഇന്നലെ രോഗം ബാധിച്ചത്. 2933 പേർ രോഗമുക്തി നേടി. 48 പേർക്കാണ് ജീവൻ നഷ്ടപ്പെട്ടത്. മുംബൈയിൽ ഇതുവരെ 2,22,761 പേർക്ക് രോഗം ബാധിച്ചു. 1,86,675 പേരാണ് ഇതുവരെ രോഗമുക്തരായത്. ഇതുവരെ 9293 പേർക്ക് ജീവൻ നഷ്ടമായി.

Also Read: 'ആ എംഎൽഎ താൻ തന്നെ, ഇടപാട് നടത്തി'; ഓടിയിട്ടില്ലെന്ന് പി ടി തോമസ്

കർണ്ണാടകയിൽ ഇന്നലെ 10,704 പേരാണ് കൊവിഡ് ബാധിതരായത്. 9,613 പേർ ആശുപത്രി വിട്ടു. 101 മരണങ്ങളാണ് സംസ്ഥാനത്ത് റിപ്പോർട്ട് ചെയ്തിരിക്കുന്നത്. ഇതുവരെ കർണ്ണാടകയിൽ 6,79,356 പേർക്കാണ് കൊവിഡ് ബാധിച്ചത്. 5,52,519 പേർ രോഗമുക്തി നേടി. 9,675 പേർക്കാണ് മഹാമാരിയെത്തുടർന്ന് ജീവൻ നഷ്ടമായത്. നിലവിൽ 1,17,143 സജീവ രോഗികളാണുള്ളത്.

ഡൽഹിയിൽ ഇന്നലെ 2,726 പേർക്കാണ് രോഗം ബാധിച്ചത്. 37 മരണങ്ങൾ രാജ്യ തലസ്ഥാനത്ത് റിപ്പോർട്ട് ചെയ്തു. 2,643 പേരാണ് രോഗമുക്തി നേടിയത്. സംസ്ഥാനത്ത് ഇതുവരെ 3,00,833 പേർക്കാണ് രോഗം ബാധിച്ചത്. 5,616 പേർക്ക് ജീവൻ നഷ്ടപ്പെട്ടു. ഇതുവരെ 2,72,948 പേർ രോഗമുക്തി നേടി. 22,232 ആക്ടീവ് കേസുകളാണ് സംസ്ഥാനത്തുള്ളത്.