കൊവിഡ്- 19: ലോക് ഡൗൺ ആവശ്യമായിരുന്നു, ആവശ്യസാധനങ്ങൾക്ക് ക്ഷാമം ഉണ്ടാകില്ല - കേന്ദ്രം

തിരുവനന്തപുരം: കൊവിഡ്-19 വ്യാപനം തടയുന്നതിനായി പ്രധാനമന്ത്രി നരേന്ദ്ര മോദി പ്രഖ്യാപിച്ച ലോക് ഡൗൺ രാജ്യത്ത് തുടരുന്നു. ഇതിനിടെ രാജ്യത്തെ സാഹചര്യങ്ങൾ വിലയിരുത്തി കേന്ദ്രമന്ത്രിസഭാ പ്രത്യേക ക്യാബിനറ്റ് യോഗം ചേർന്നു.

ലോക് ഡൗൺ നിർദേശം തുടരുന്നുണ്ടെങ്കിലും ആവശ്യസാധനങ്ങളുടെ വിലയിൽ യാതൊരു മാറ്റവും ഉണ്ടാകില്ലെന്ന് കേന്ദ്രമന്ത്രി പ്രകാശ് ജാവേദ്‌കർ വ്യക്തമാക്കി.

അതേസമയം, രാജ്യത്തെ കൊവിഡ് ബാധിതരുടെ എണ്ണം 526 ആയി. ഒരു മരണം റിപ്പോർട്ട് ചെയ്യുകയും ചെയ്‌തു. കർണാടകയിലാണ് മരണം സ്ഥിരീകരിച്ചത്. മക്കയിൽ നിന്നെത്തിയ ചിക്കബെല്ലാപുര ജില്ലയിലെ ഗൗരിവിതനൂര്‍ സ്വദേശിയായ 75കാരനാണ് മരിച്ചത്. ബെംഗളൂരുവിലെ ബോറിങ്ങ് ആശുപത്രിയില്‍ ചികിത്സയില്‍ കഴിയുകയായിരുന്നു ഇയാള്‍. പ്രമേഹ രോഗവും ഹൃദ്രോഗവുമുള്ള വ്യക്തി കൂടിയാണ് ഇദ്ദേഹം.

തമിഴ്‌നാട്ടിലും കൊവിഡ് മരണം സ്ഥിരീകരിച്ചു.മധുര രാജാജി ആശുപത്രിയിൽ ചികിത്സയിലായിരുന്ന 54കാരനാണ് ജീവൻ നഷ്‌ടമായത്. ഇന്ന് മാത്രം രാജ്യത്ത് പത്തിലധികം പേർക്ക് കൊറോണ വൈറസ് സ്ഥിരീകരിച്ചു. മഹാരാഷ്‌ട്ര, മധ്യപ്രദേശ്, ഗുജറാത്ത് എന്നിവടങ്ങളിലാണ് മരണം സംഭവിച്ചത്.