റിപ്പബ്ലിക് ദിനത്തിൽ നുഴഞ്ഞുകയറ്റ സാധ്യതയെന്ന് ഇൻറലിജൻസ്

ന്യൂഡൽഹി: റിപ്പബ്ലിക് ദിനത്തിൽ അതിർത്തിയിൽ നുഴഞ്ഞുകയറ്റ സാധ്യതയുണ്ടെന്ന് ഇൻറലിജൻസ് റിപ്പോർട്ട്. പാക് പിന്തുണയോടെ ഭീകരർ നുഴഞ്ഞു കയറിയേക്കാമെന്നാണ് റിപ്പോർട്ട്. ഇതോടെ കശ്മീർ അതിർത്തിയിലെ സുരക്ഷ കൂടുതൽ ശക്തമാക്കി.

റിപ്പബ്ലിക് ദിനത്തിൽ ഇന്ത്യയിൽ അസ്വസ്ഥത സൃഷ്ടിക്കുകയാണ് ലക്ഷ്യം. പാക് ചാരസംഘടനയായ എെഎസ്എെക്കും ഇതിൽ പങ്കുണ്ട്. ഇന്ത്യൻ അതിർത്തിയോട് ചേർന്നുള്ള പാകിസ്ഥാനിലെ ഒരു ഗ്രാമത്തിൽ ഭീകരർ ഉണ്ടെന്നാണ് റിപ്പോർട്ട്. പോലീസും സുരക്ഷാ സേനയും അതീവ ജാഗ്രതയോടെ ഇരിക്കണമെന്നും ഇൻറലിജൻസ് മുന്നറിയിപ്പ് നൽകുന്നു.