നീരവ് മോദിക്കെതിരെ റെഡ് കോർണർ നോട്ടീസ്

ലണ്ടൻ: പഞ്ചാബ് നാഷണൽ ബാങ്ക് തട്ടിപ്പ് കേസിൽ നീരവ് മോദിക്കെതിരെ ഇൻറ‍ർപോളിൻെറ റെഡ് കോർണർ നോട്ടീസ്. കോടികളുടെ വായ്പ തട്ടിപ്പ് നടത്തി വിദേശത്തേക്ക് കടക്കുകയായിരുന്നു നീരവ് മോദി. സിബിഎെ അപേക്ഷ പ്രകാരമാണ് റെഡ് കോ‍ർണർ നോട്ടീസ്.

ഇന്റർപോളിലെ അംഗരാജ്യങ്ങളിൽ എവിടെയെങ്കിലും നീരവ് മോദിയുണ്ടെങ്കിൽ അറസ്റ്റ് ചെയ്യാൻ ഇതോടെ സാധിക്കും. പ്രതിയെ സംബന്ധിച്ച വിവരങ്ങളും താമസിക്കുന്ന സ്ഥല വിവരങ്ങളും ഈ രാജ്യങ്ങളുമായി പങ്കുവെക്കുകയും ചെയ്യും.

ഇതോടെ ഇന്ത്യ കണ്ട ഏറ്റവും വലിയ ബാങ്കിങ് തട്ടിപ്പിലെ പ്രതിക്കെതിരെ കുരുക്ക് മുറുകുകയാണ്.നീരവ് മോദി, അമ്മാവൻ മെഹുൽ ചോക്സി, മോദിയുടെ സഹോദരൻ നിഷാൽ, കമ്പനി ഉദ്യോഗസ്ഥനായ സുഭാഷ് പറബ് എന്നിവർക്കെതിരെയാണ് കേസ്.