മോദിയെ കൊലപ്പെടുത്താൻ ശ്രമിച്ച സംഘടന
നേതാക്കൾക്ക് എതിരെയുള്ള കുറ്റപത്രത്തിൽ എൻഐഎയും ഇ ഡിയും ചേർത്തിരിക്കുന്നത് ആരെയും ഞെട്ടിക്കുന്ന കാര്യങ്ങളാണ്. ബിഹാറിൽ പ്രധാനമന്ത്രി നരേന്ദ്രമോദിയെ കൊലപ്പെടുത്താൻ വരെ പോപ്പുലർ ഫ്രണ്ട് ഓഫ് ഇന്ത്യ പദ്ധതിയിട്ടിരുന്നു എന്നാണ് എൻഐയുടെ ആരോപണം. കേരളത്തിൽ ഭാകരപ്രവർത്തനങ്ങൾക്ക് വേണ്ടി വിദേശ രാജ്യങ്ങളിൽ നിന്ന് പണം ഒഴുകുന്നത് വരെ ഇ ഡി ചൂണ്ടികാണിച്ചു. ഇതിന് പിന്നാലെ പോപ്പുലർ ഫ്രണ്ടിനെ നിരോധിക്കണമെന്ന് എൻഐഎ കേന്ദ്രത്തിന് നിർദേശം നൽകിയെന്ന വാർത്തയും പുറത്ത് വന്നിരുന്നു.
നിരോധിക്കാനുള്ള നീക്കം
പോപ്പുലർ ഫ്രണ്ടിനെ ഏതു വിധേനയും നിരോധിക്കാനുള്ള പദ്ധതി തന്നെയാണ് കേന്ദ്രം സ്വകരിക്കുന്നത് എന്നാണ് പുറത്ത് വരുന്ന റിപ്പോർട്ടുകൾ. നിരോധനം സംബന്ധിച്ച കോടതിയിലും മറ്റുമുള്ള വെല്ലുവിളികള്‍ മറികടക്കാനുള്ള നീക്കങ്ങള്‍ കേന്ദ്ര ആഭ്യന്തര മന്ത്രാലയ ഉദ്യോഗസ്ഥര്‍ നടത്തി വരികയാണെന്നാണ് സൂചനകൾ. ഈ മാസം 22-ന് 15 സംസ്ഥാനങ്ങളിലായി എന്‍ഐഎയും ഇ.ഡിയും സംയുക്തമായി നടത്തിയ റെയ്ഡില്‍ നൂറിലേറെ നേതാക്കളെയാണ് കസ്റ്റഡിയിലെടുത്തത്. റെയ്ഡുകളില്‍, തീവ്രവാദ പ്രർത്തനങ്ങളെ സംബന്ധിച്ച് ശക്തമായ തെളിവുകൾ ലഭിച്ചിട്ടുണ്ട്.
മുന്നൊരുക്കങ്ങൾ സജീവം
എന്‍ഫോഴ്‌സ്‌മെന്റ് ഡയറക്ടറേറ്റും രഹസ്യാന്വേഷണ ഏജന്‍സികളും പിഎഫ്‌ഐയെ യുഎപിഎ നിയമപ്രകാരം നിരോധിക്കണമെന്ന് ശുപാര്‍ശ ചെയ്യുമെന്നാണ് റിപ്പോർട്ട്. പിഎഫ്‌ഐയുമായി ബന്ധപ്പെട്ടവര്‍ കോടതിയില്‍ നിരോധനത്തെ വെല്ലുവിളിക്കാനുള്ള സാധ്യത ഏറെയാണ്. അത്തരം സാഹചര്യങ്ങളില്‍ നിയമപരമായ എല്ലാ മുന്നൊരുക്കങ്ങളും നടത്തി വരികയാണ് ആഭ്യന്തര മന്ത്രാലയം. നിരോധനത്തിന് മുന്നോടിയായി ആഭ്യന്തര മന്ത്രാലയം നിയമോപദേശങ്ങള്‍ തേടിയിട്ടുണ്ടെന്നാണ് റിപ്പോർട്ടുകൾ.
60 കോടിയുടെ ഇടപാട്
പിഎഫ്‌ഐയുമായി ബന്ധപ്പെട്ടുള്ള ഒന്നും വിട്ടുകളയരുതെന്ന് ആഭ്യന്തര മന്ത്രാലയത്തിന്റെ കര്‍ശന നിര്‍ദേശമുണ്ടായിരുന്നു. അതുകൊണ്ടു തന്നെ കുറച്ച് വര്‍ഷങ്ങളായി ശക്തമായ തെളിവുകള്‍ ശേഖരിക്കുന്നതില്‍ വിവിധ കേന്ദ്ര ഏജന്‍സികള്‍ ഏര്‍പ്പെട്ടിരുന്നുവെന്നാണ് റിപ്പോർട്ടുകൾ. അന്വേഷണത്തില്‍ പിഎഫ്‌ഐയുടെ ബാങ്ക് അക്കൗണ്ടുകളില്‍ 60 കോടി രൂപയുടെ സംശയാസ്പദമായ ഇടപാടുകള്‍ കണ്ടെത്തിയതായി ഇ ഡി വ്യക്തമാക്കുന്നതായി മാതൃഭൂമി റിപ്പോർട്ട് ചെയ്യുന്നു.