ഇറോം ശര്‍മിള ജൂലൈയില്‍ വിവാഹിതയാവും

ഇംഫാല്‍: പ്രമുഖ മനുഷ്യാവകാശ പ്രവര്‍ത്തക ഇറോം ശര്‍മിള ചാനു വിവാഹിതയാവുന്നു. ബ്രിട്ടീഷ് സുഹൃത്ത് ഡസ്‍മണ്ട് കൗടീഞോ ആണ് വരന്‍. ജൂലായില്‍ തമിഴ്‍നാട്ടില്‍വെച്ച് വിവാഹം നടത്തും.

വിവാഹ തീയതി തങ്ങള്‍ നിശ്ചയിച്ചിട്ടില്ലെന്ന് ഇറോം ശര്‍മിള ടൈംസ് ഓഫ് ഇന്ത്യയോട് പറഞ്ഞു. ജൂലായ് അവസാനം തമിഴ്‍നാട്ടില്‍വെച്ച് വിവാഹിതരാവാനാണ് തീരുമാനമെന്നും അവര്‍ കൂട്ടിച്ചേര്‍ത്തു. ഇപ്പോള്‍ തമിഴ്‍നാട്ടിലെ പെരുമാള്‍ മലൈയിലാണ് ഇറോം ഉള്ളത്.

വടക്കുകിഴക്കന്‍ സംസ്ഥാനങ്ങളില്‍ സൈന്യത്തിന് പ്രത്യേക അധികാരം നല്‍കുന്ന അഫ്‍സ്‍പ നിയമത്തിനെതിരെ 16 വര്‍ഷം നീണ്ട നിരാഹാരസമരം അനുഷ്‍ഠിച്ചശേഷം രാഷ്ട്രീയത്തിലേക്ക് കടന്ന ഇറോം പീപ്പിള്‍സ് റിസര്‍ജന്‍സ് ആന്‍റ് ജസ്‍റ്റിസ് അലയന്‍സ് എന്ന പേരില്‍ പാര്‍ട്ടി രൂപീകരിച്ചിരുന്നു. അടുത്തിടെ നടന്ന സംസ്ഥാന തെരഞ്ഞെടുപ്പില്‍ മത്സരിച്ചെങ്കിലും ദയനീയമായി പരാജയപ്പെട്ടു.

തെരഞ്ഞെടുപ്പിന് ശേഷം രാഷ്ട്രീയം വിടുകയാണെന്ന് പ്രഖ്യാപിച്ച ഇറോം നിലവില്‍ ദക്ഷിണേന്ത്യന്‍ സംസ്ഥാനങ്ങളില്‍ വിശ്രമജീവിതത്തിലാണ്.

Irom Sharmila to marry her British partner in Tamil Nadu in July

Rights activist Irom Sharmila Chanu will marry her long-time British partner Desmond Coutinho in July.