ഐഎസ് ബന്ധം: കല്‍പ്പറ്റ സ്വദേശിയെ എന്‍ഐഎ അറസ്റ്റ് ചെയ്തു
ഐഎസ് ബന്ധത്തെ തുടര്‍ന്ന് അഫ്ഗാനിസ്ഥാന്‍ മടക്കി അയച്ച മലയാളിയെ എന്‍ഐഎ അറസ്റ്റു ചെയ്തു
Samayam Malayalam20 Sept 2018, 12:58 pm
ന്യൂഡല്‍ഹി: ഐഎസ് ബന്ധത്തിന്‍റെ പേരില്‍ അഫ്ഗാനിസ്ഥാന്‍ മടക്കി അയച്ച മലയാളിയെ എന്‍ഐഎ അറസ്റ്റു ചെയ്തു. കല്‍പ്പറ്റ സ്വദേശിയായ നഷീദുള്‍ ഹംസഫറെയാണ് ഇന്നലെ ഡല്‍ഹിയില്‍ നിന്ന് അറസ്റ്റ് ചെയ്തത്.
Samayam Malayalam
കാസര്‍ഗോഡ് ജില്ലക്കാരായ 14 പേര്‍ മൂന്നു വര്‍ഷം മുന്‍പ് ഐഎസില്‍ ചേരാന്‍ നടത്തിയ ഗൂഢാലോചനയില്‍ പങ്കാളിയായിരുന്നു ഇയാളെന്ന് എന്‍ഐഎ വൃത്തങ്ങള്‍ പറഞ്ഞു. ഗള്‍ഫില്‍ ജോലിക്കായി പോയ നഷീദുളും സുഹൃത്തും 2017 ല്‍ ഐഎസില്‍ ചേരാനായി അഫ്ഗാനിലേക്ക് പോകുകയായിരുന്നു.
സുഹൃത്തിന്‍റെ കുടുംബാംഗങ്ങളുടെ സമ്മര്‍ദത്താല്‍ അദ്ദേഹം ഗള്‍ഫിലേക്കു തിരിക്കുകയായിരുന്നു. അവിടെ നിന്ന് ഇന്ത്യയിലെത്തിയ അദ്ദേഹത്തെ എന്‍ഐഎ അറസ്റ്റ്‍ചെയ്തിരുന്നു. എന്നാല്‍ അഫ്ഗാനിലെത്തിയ നഷീദുളിനെ സംശായാസ്പദമായ സാഹചര്യത്തില്‍ അഫ്ഗാന്‍ സെക്യൂരിറ്റി ഉദ്യോഗസ്ഥര്‍ അറസ്റ്റ്‍ചെയ്തു. പിന്നീട് ഇദ്ദേഹത്തെ ഇന്നലെ ഇന്ത്യയ്ക്ക് കൈമാറുകയായിരുന്നു.
ഡല്‍ഹി എന്‍ ഐ എ കോടതിയില്‍ ഹാജരാക്കിയ നഷീദുളിനെ ഉടന്‍ കൊച്ചിയിലെ എന്‍ഐഎ പ്രത്യേക കോടതിയില്‍ ഹാജരാക്കും.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
