മുത്തലാഖിനെതിരെ പൊരുതിയ ഇസ്രത് ജഹാൻ ബിജെപിയിൽ

ന്യൂഡൽഹി: മുത്തലാഖിനെതിരെ നിയമപോരാട്ടം നടത്തിയ ഇസ്രത് ജഹാൻ ബിജെപിയിൽ ചേർന്നു. വിഷയത്തിൽ ബിജെപി നിലപാടിനെ താൻ പിന്തുണച്ചിരുന്നെന്ന് ഇസ്രത് ജഹാൻ വ്യക്തമാക്കി. ബംഗാളിലെ ബിജെപി നേതാക്കളുടെ സാന്നിധ്യത്തിൽ ബിജെപി മഹിളാ മോര്‍ച്ചാ സംസ്ഥാന അധ്യക്ഷ ലോക്കെറ്റ് ചാറ്റര്‍ജിയാണ് ഇസ്രത് ജഹാനെ പാര്‍ട്ടിയിലേക്ക് സ്വാഗതം ചെയ്തത്.

മുത്തലാഖ് നിരോധിച്ചുകൊണ്ടുള്ള സുപ്രീംകോടതി വിധിക്ക് പിന്നാലെ തന്‍റെ ജീവിതം കൂടുതല്‍ ദുഷ്‌കരമായെന്ന് ഇസ്രത് ജഹാന്‍ പറയുന്നു. താന്‍ സമൂഹത്തില്‍ കൂടുതല്‍ ഒറ്റപ്പെടലിന് വിധേയയായെന്നും അവര്‍ വ്യക്തമാക്കി. താന്‍ ഇസ്ലാമിക നിയമങ്ങള്‍ക്കെതിരെ ശബ്ദമുയര്‍ത്തുന്നുവെന്ന് കരുതി ചിലര്‍ ഭീഷണിപ്പെടുത്തിയെന്നും അവര്‍ വെളിപ്പെടുത്തി.