ISRO Chandrayaan 3 Launch Live Updates : അഭിമാനമാകാൻ ചന്ദ്രയാൻ 3; വിക്ഷേപണം 2:35ന്, കാത്തിരിപ്പോടെ രാജ്യം

ശ്രീഹരിക്കോട്ട: ചാന്ദ്ര ദൗത്യത്തിൽ ഇന്ത്യയുടെ പുതു ചരിത്രം കുറിക്കാൻ ചാന്ദ്രയാൻ 3 ഇന്ന് കുതിച്ചുയരും. ആന്ധ്രപ്രദേശിലെ ശ്രീഹരിക്കോട്ട സതീഷ് ധവാൻ സ്പേസ് സെന്‍ററിൽ ഇന്ന് ഉച്ചയ്ക്കാണ് വിക്ഷേപണം. മിഷൻ റെഡിനസ് റിവ്യൂ പൂർത്തിയാക്കി ലോഞ്ച് ഓതറൈസേഷൻ ബോർഡ് വിക്ഷേപണത്തിന് അുമതി നൽകിയിട്ടുണ്ട്. ചന്ദ്രയാൻ 3 ദൗത്യവുമായി ബന്ധപ്പെട്ട തത്സമയ വിവരങ്ങൾ താഴെ വായിക്കാം.

ചന്ദ്രയാൻ വിക്ഷേപണം ഇന്ത്യയ്ക്ക് അഭിമാനനിമിഷമാണെന്ന് ഇസ്രൊ. ചന്ദ്രയാൻ 3 പേടകം ഭ്രമണപഥത്തിലെത്തിയതായി ഇസ്രോ സ്ഥിരീകരിച്ചു.

ചന്ദ്രയാൻ 3 പേടകം ശ്രീഹരിക്കോട്ടയിൽ നിന്ന് വിക്ഷേപിച്ചു. ഓഗസ്റ്റ് 23നാണ് പേടകം ചന്ദ്രോപരിതലത്തിൽ ഇറങ്ങേണ്ടത്.

ചന്ദ്രയാൻ 3 വിക്ഷേപണത്തിന് അന്തിമ അനുമതി നൽകി മിഷൻ ഡയറക്ട‍ർ. എൽവിഎം 3 റോക്കറ്റ് ഉപയോഗിച്ച് 2:35 നാണ് വിക്ഷേപണം.

ഓഗസ്റ്റ് 23 നോ 24 നോ ചന്ദ്രന്റെ ദക്ഷിണധ്രുവത്തിൽ ഇന്ത്യയുടെ ലാൻഡർ ഇറങ്ങും. ക്രെയോജനിക് ഘട്ടമാണ് നിലവില്‍ പുരോഗമിക്കുന്നത്.

ചന്ദ്രയാൻ വിക്ഷേപണം കാണാൻ സ്പേസ് സെൻ്ററിലെത്തിയ വിദ്യാർഥികൾ


ഇന്ത്യയുടെ ബഹിരാകാശ മേഖലയെ സംബന്ധിച്ചിടത്തോളം 2023 ജൂലൈ 14 സുവർണ്ണലിപികളിൽ പതിഞ്ഞിരിക്കുമെന്ന് പ്രധാനമന്ത്രി.


ഇറങ്ങുന്ന ചന്ദ്രോപരിതലത്തെക്കുറിച്ചു വിവരങ്ങൾ നൽകാൻ അത്യാധുനിക സെൻസറുകൾക്കു പുറമേ 2ലാൻഡർ ഹസാർഡ് ഡിറ്റക്‌ഷൻ ആൻഡ് അവോയിഡൻസ് ക്യാമറകളും ദൗത്യത്തിലുണ്ട്.

ചന്ദ്രയാൻ വിക്ഷേപണത്തിന് ഇനി 5 മണിക്കൂറുകൾ മാത്രം

വിക്ഷേപണത്തിന് തയ്യാറെടുത്ത് ഐഎസ്ആർഒ


വിക്ഷേപണം കഴിഞ്ഞ് 40 ദിവസത്തിന് ശേഷമാണ് ചന്ദ്രയാന്‍ മൂന്ന് ലാന്‍ഡര്‍ ചന്ദ്രനില്‍ ഇറങ്ങുക. ഈ ദൗത്യം വിജയകരമാണെങ്കിൽ ചന്ദ്രനില്‍ സോഫ്റ്റ് ലാന്‍ഡിങ് നടത്തുന്ന നാലാമത്തെ രാജ്യമാകും ഇന്ത്യ. നേരത്തെ അമേരിക്ക, ചൈന, സോവിയറ്റ് യൂണിയന്‍ എന്നിവരാണ് ഈ നേട്ടം കൈവരിച്ചത്.




Also Read : ISRO Chandrayaan 3: ചന്ദ്രയാൻ 3 ഇന്ന് കുതിച്ചുയരും; പുതിയ ചരിത്രത്തിലേക്ക് ഇന്ത്യ; ചന്ദ്രയാൻ 2വിൽ നിന്ന് പാഠങ്ങൾ ഉൾക്കൊണ്ട് ദൗത്യം