ആപ്പ്ജില്ല

കാണാതായ വിമാനം കണ്ടെത്താൻ ഐഎസ്ആർഒയും

ബംഗാള്‍ ഉള്‍ക്കടലിന് മുകളില്‍ 29 പേരുമായി അപ്രത്യക്ഷമായ വ്യോമസേനയുടെ എ.എന്‍ 32 വിമാനത്തിനായുള്ള തെ

TNN 24 Jul 2016, 8:44 am
ബംഗാള്‍ ഉള്‍ക്കടലിന് മുകളില്‍ 29 പേരുമായി അപ്രത്യക്ഷമായ വ്യോമസേനയുടെ എ.എന്‍ 32 വിമാനത്തിനായുള്ള തെരച്ചില്‍ തുടരുന്നു. തെരച്ചിലിന് ഐ.എസ്.ആര്‍.ഒയുടെ സഹായവും തേടിയിട്ടുണ്ട്. എന്നാല്‍ മോശം കാലാവസ്ഥയെ തുടര്‍ന്ന് തിരച്ചിലിന് അയച്ചിരുന്ന വിമാനങ്ങള്‍ തിരിച്ചുവിളിച്ചിരുന്നു. ഐ.എസ്.ആര്‍്‌ഒയുടെ റഡാര്‍ ഇമേജ് സാറ്റലൈറ്റ്(റിസാറ്റ്) ന്‍െ്റ സേവനമാണ് ഇപ്പോ‍ൾ തെരച്ചിലിനായി ഉപയോഗിക്കുന്നത്.
Samayam Malayalam isro helps to find a n32 aircraft
കാണാതായ വിമാനം കണ്ടെത്താൻ ഐഎസ്ആർഒയും


മോശം കാലാവസ്ഥയെ തുടര്‍ന്ന് തിരച്ചില്‍ ദുഷ്കരമായ സാഹചര്യത്തിലാണ് ഐ.എസ്.ആര്‍.ഒയുടെ സഹായം തേടാന്‍ അധികൃതര്‍ തീരുമാനിച്ചത്. നാവികസേനയുടെ കപ്പലുകളെയാണ് ഇപ്പോള്‍ തിരച്ചിലിനായി ആശ്രയിക്കുന്നത്. ബംഗാള്‍ ഉള്‍ക്കടലില്‍ 150 നോട്ടിക്കല്‍ മൈല്‍ അകലെ വിമാനത്തിന്‍റെ അവശിഷ്ടങ്ങള്‍ കണ്ടെത്തിയെന്ന വാര്‍ത്തകള്‍ പുറത്തുവന്നിരുന്നു. എന്നാലിത് കാണാതായ വിമാനത്തിന്‍റേതാണെന്നു സ്ഥിരീകരിച്ചിട്ടില്ല.

പ്രതിരോധ മന്ത്രി മനോഹര്‍ പരീക്കറുടെ നേതൃത്വത്തിലാണു തെരച്ചില്‍ നടക്കുന്നത്. മുങ്ങിക്കപ്പലുകള്‍ അടക്കം 18 കപ്പലുകളും എട്ട് വിമാനങ്ങളും അന്വേഷണത്തില്‍ പങ്കെടുത്തു. വിമാനത്തിലെ എമര്‍ജന്‍സി ബീക്കണ്‍ ലൊക്കേറ്ററില്‍ നിന്നുള്ള സിഗ്നലുകള്‍ പിടിച്ചെടുക്കാനായാണു മുങ്ങിക്കപ്പല്‍ അയച്ചിട്ടുള്ളത് ചെന്നൈയിലെ താംബരം വ്യോമസേനാ കേന്ദ്രത്തില്‍നിന്നു പറന്നുയര്‍ന്ന വിമാനമാണു കാണാതായത്.

വിമാനം സംബന്ധിച്ചു ശുഭമായ വാര്‍ത്തകളൊന്നും ലഭിച്ചിട്ടില്ലെന്നു വ്യോമസേന അറിയിച്ചു. വിമാനത്തില്‍ ആറുപേര്‍ വിമാന ജോലിക്കാരും 11 പേര്‍ വ്യോമസേനാ ഉദ്യോഗസ്ഥരുമാണ്. ഇവര്‍ക്കുപുറമേ ഒന്‍പത് നാവികസേനാ ഉദ്യോഗസ്ഥരും രണ്ടു കരസേനാ ഉദ്യോഗസ്ഥരും ഒരു തീരരക്ഷാസേനാ ഉദ്യോഗസ്ഥനും വിമാനത്തിലുണ്ടായിരുന്നു. മലയാളികളായ കോഴിക്കോട് കക്കോടി കോട്ടൂപ്പാടം സ്വദേശി വിമല്‍ (38), കോഴിക്കോട് കാക്കൂര്‍ നെല്ലിക്കുന്നുമ്മല്‍ തട്ടൂര് അപ്പുനിവാസില്‍ രാജന്‍റ മകനായ സജീവ് കുമാര്‍(38) എന്നിവരും വിമാനത്തിലുണ്ടായിരുന്നു.

ആര്‍ട്ടിക്കിള്‍ ഷോ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക്പേജ് ലൈക്ക് ചെയ്യൂ
ട്രെൻഡിങ്