ജിഎസ്‌എൽവി മാർക് 3 വിക്ഷേപണം ഇന്ന്: ഇന്ത്യക്കിത് സ്വപ്‌നസാക്ഷാത്‍കാരം

ബെംഗലൂരു: 'ഫാറ്റ് ബോയ്' എന്ന് അറിയപ്പെടുന്ന ഇന്ത്യ വികസിപ്പിച്ച ഏറ്റവും വലിയ റോക്കറ്റായ ജി.എസ്.എൽ.വി മാർക്ക് 3 (ജി.എസ്.എൽ.വി എം.കെ-ത്രീ) ഇന്ന് വിക്ഷേപിക്കും. ശ്രീഹരിക്കോട്ടയിൽ നിന്ന് ഇന്ന് വൈകിട്ട് 5.28ന് ആണ് ജിഎസ്‌എൽവി മാർക് മൂന്ന് വിക്ഷേപിക്കുന്നത്. ശ്രീഹരിക്കോട്ടയിലെ സതീഷ് ധവാൻ സ്പേസ് സെന്‍ററിലെ രണ്ടാം വിക്ഷേപണത്തറയിൽ നിന്ന് ജി-സാറ്റ് 19 ഉപഗ്രഹവുമായാണ് റോക്കറ്റ് ഭ്രമണപഥത്തിലേക്ക് ഉയരുന്നത്.

മനുഷ്യനെ ബഹിരാകാശത്ത് എത്തിക്കുക എന്ന ഇന്ത്യയുടെ സ്വപ്‌നത്തിലേക്കുള്ള ചുവടു വെയ്പ്പാണ് ഈ വിക്ഷേപണത്തിലൂടെ സാധ്യമാകുന്നത്. 200 ഏഷ്യൻ ആനകളുടെ ഭാരമാണ് 'ഫാറ്റ് ബോയ്ക്കു'ള്ളത്. 30 വര്‍ഷത്തോളം നീണ്ടു നിന്ന ഗവേഷണത്തിന് ശേഷമാണ് വിക്ഷേപണം സാധ്യമാകുന്നത്. ഇന്ത്യ തന്നെ വികസിപ്പിച്ചെടുത്ത ക്രയോജനിക് ഇന്ധനമാണ് ഇതിൽ ഉപയോഗിക്കുന്നത്.

റോക്കറ്റ് വിക്ഷേപണത്തിൽ സ്വയംപര്യാപ്തതയിലേക്ക് കടക്കുന്നതോടൊപ്പം ഭാരമേറിയ ഉപഗ്രഹങ്ങൾ വിക്ഷേപിക്കുന്ന രാജ്യങ്ങളിൽ ഒന്നായി ഇന്ത്യ മാറുകയും ചെയ്യും.

ISRO to launch high-thrust cryogenic engine today after over 30 years of research

India will launch the 'fat boy'this evening from Sreeharikotta. GSLV Mark 3 is the result of India's research lasted for 30 years.