ഗൂഗിൾ മാപ്പിനെ വെല്ലുന്ന ചിത്രങ്ങളുമായി ഐഎസ്ആര്‍ഒ സാറ്റലൈറ്റ്

ന്യൂഡല്‍ഹി: ഐഎസ്ആര്‍ഒ ജനുവരി 12ന് വിക്ഷേപിച്ച കാര്‍ട്ടോസാറ്റ് II ല്‍ നിന്നുള്ള ചിത്രങ്ങള്‍ പുറത്ത്. ഇന്ത്യയുടെ നൂറാമത് സാറ്റലൈറ്റായ കാര്‍ട്ടോസാറ്റിൽ നിന്നുള്ള ചിത്രങ്ങള്‍ ഗൂഗിളിൽ നിന്നുള്ള ചിത്രങ്ങളെക്കാള്‍ മികച്ചതാണെന്നാണ് ഐഎസ്ആര്‍ഒയുടെ അവകാശവാദം.

കാര്‍ട്ടോസാറ്റ്-II ഉള്‍പ്പെടെ 31 ഉപഗ്രഹങ്ങളാണ് ഐഎസ്ആര്‍ഒ കഴിഞ്ഞ ദിവസം വിക്ഷേപിച്ചത്. ഇന്‍ഡോറിൻ്റെ വിവിധ മേഖലയില്‍ നിന്നുള്ള ചിത്രങ്ങളാണ് പുറത്ത് വന്നിരിക്കുന്നത്. ഹോള്‍കര്‍ ക്രിക്കറ്റ് സ്‌റ്റേഡിയവും ചിത്രത്തില്‍ ഉള്‍പ്പെട്ടിട്ടുണ്ട്.

അത്യാധുനിക വിദൂര നീയന്ത്രിത ഉപഗ്രഹമാണ് കാര്‍ട്ടോസാറ്റ്-II. ഈ സീരിസില്‍ മുമ്പ് വിക്ഷേപിച്ച് ആറ് ഉപഗ്രഹങ്ങള്‍ക്ക് സമാനമാണ് കാര്‍ട്ടോസാറ്റിന്‍റെയും രൂപരേഖയെങ്കിലും ഇതിന് മറ്റുള്ളവയെക്കാളും ശേഷി കൂടുതലുണ്ട്.