ന്യൂഡൽഹി: ജെറ്റ് എയർവേസിലെ പൈലറ്റുമാരുടെ സമരം രണ്ടാഴ്ചത്തേക്ക് നീട്ടിവെച്ചു. ഏപ്രിൽ ഒന്നു മുതൽ സർവ്വീസ് നടത്തി സമരം ചെയ്യുമെന്നായിരുന്നു പൈലറ്റുമാരുടെ അറിയിപ്പ്. പൈലറ്റുമാരുടെ സംഘടനയായ നാഷ്ണൽ ഏവിയേറ്റേഴ്സ് ഗ്രിൽഡ് ഇന്നുചേർന്ന യോഗത്തിൽ ശമ്പള കുടിശിക നൽകാൻ ജെറ്റ് ഏയർവേസിന്റെ ഇടക്കാല മാനേജ്മെന്റിന് കൂടുതൽ സമയം നൽകാൻ തീരുമാനിച്ചു. ഇതിന്റെ അടിസ്ഥാനത്തിൽ ഏപ്രിൽ 14 വരെയാണ് സമരം നീട്ടിവെച്ചിരിക്കുന്നത്.
പൈലറ്റുമാർക്ക് ഡിസംബറിലെ ശമ്പളം നൽകാൻ തയ്യാറാണെന്ന് കമ്പനിയുടെ ഇപ്പോഴത്തെ ചുമതലയുള്ള എസ്ബിഐ നേതൃത്വം നൽകുന്ന കൺസോർഷ്യം വ്യക്തമാക്കി. കുടിശിക മൊത്തം നൽകണമെങ്കിൽ കൂടുതൽ സമയംവേണമെന്ന് മാനേജ്മെന്റ് വ്യക്തമാക്കി. പൈലറ്റുമാരുടെ തീരുമാനത്തെ കമ്പനി സ്വീകരിച്ചിട്ടുണ്ട്.
പൈലറ്റുമാർക്ക് ഡിസംബറിലെ ശമ്പളം നൽകാൻ തയ്യാറാണെന്ന് കമ്പനിയുടെ ഇപ്പോഴത്തെ ചുമതലയുള്ള എസ്ബിഐ നേതൃത്വം നൽകുന്ന കൺസോർഷ്യം വ്യക്തമാക്കി. കുടിശിക മൊത്തം നൽകണമെങ്കിൽ കൂടുതൽ സമയംവേണമെന്ന് മാനേജ്മെന്റ് വ്യക്തമാക്കി. പൈലറ്റുമാരുടെ തീരുമാനത്തെ കമ്പനി സ്വീകരിച്ചിട്ടുണ്ട്.