കഴിച്ച ഭക്ഷണത്തിന്റെ പേരില് ഒരാളെ തല്ലിക്കൊല്ലുമ്പോള് ഭരണഘടനയും ഒപ്പം കൊല്ലപ്പെടുകയാണെന്ന് സുപ്രീംകോടതി ജസ്റ്റിസ് ഡിവൈ ചന്ദ്രചൂഢ്. ശബരിമലയില് സ്ത്രീപ്രവേശനം അനുവദിച്ച ഭരണഘടന ബഞ്ചില് അംഗമായിരുന്ന ചന്ദ്രചൂഢ് സുപ്രീംകോടതിയിലെ ഉദാരനിലപാടുകളുടെ വക്താവായാണ് അറിയപ്പെടുന്നത്. "ഒരു കാര്ട്ടൂണിസ്റ്റ് രാജ്യദ്രോഹത്തിന് ജയിലില് ആകുമ്പോള് ഭരണഘടന പരാജയപ്പെടുന്നു. മതപൗരോഹത്യത്തെ വിമര്ശിക്കുന്ന ബ്ലോഗര്മാര്ക്ക് ജാമ്യം നല്കാതെ ജയില് നല്കിയാല് ഭരണഘടന പരാജയപ്പെടും. മതത്തിന്റെയും ജാതിയുടെയും പേരില് സ്നേഹത്തെ നിഷേധിച്ചാല് ഭരണഘടന കരയും. കുതിരപ്പുറത്ത് നിന്ന് ദളിത് വരന് ഇറങ്ങേണ്ടി വരുന്ന സാഹചര്യം വരുമ്പോള് ഭരണഘടന കരയും"
ബോംബേ ഹൈക്കോടതിയില് ജസ്റ്റിസ് ദേശായ് മെമ്മോറിയല് ലെക്ചറില് സംസാരിക്കുകയായിരുന്നു ചന്ദ്രചൂഢ്.
ശബരിമല കേസിലെ വിധിയും ജസ്റ്റിസ് ചന്ദ്രചൂഢ് പരാമര്ശിച്ചു. ഏതെങ്കിലും ഒരു മതവിഭാഗത്തിനുള്ള അവകാശം മറ്റെല്ലാത്തില് നിന്നും വിഭിന്നമായ നിലപാടല്ല. ഭരണഘടനയുടെ അനുച്ഛേദം 14,15 അനുസരിച്ച് സ്ത്രീകള്ക്ക് അന്തസിനുള്ള അവകാശം അതിനനുസരിച്ച് കണക്കാക്കണം. ലോകം പുതിയ മാറ്റങ്ങള്ക്ക് വിധേയമാകുകയാണ്. സ്വകാര്യവും സാംസ്കാരികവുമായ മാറ്റങ്ങളും ഇതനുസരിച്ച് മാറും. -- ചന്ദ്രചൂഢ് പറഞ്ഞു.
ബോംബേ ഹൈക്കോടതിയില് ജസ്റ്റിസ് ദേശായ് മെമ്മോറിയല് ലെക്ചറില് സംസാരിക്കുകയായിരുന്നു ചന്ദ്രചൂഢ്.
ശബരിമല കേസിലെ വിധിയും ജസ്റ്റിസ് ചന്ദ്രചൂഢ് പരാമര്ശിച്ചു. ഏതെങ്കിലും ഒരു മതവിഭാഗത്തിനുള്ള അവകാശം മറ്റെല്ലാത്തില് നിന്നും വിഭിന്നമായ നിലപാടല്ല. ഭരണഘടനയുടെ അനുച്ഛേദം 14,15 അനുസരിച്ച് സ്ത്രീകള്ക്ക് അന്തസിനുള്ള അവകാശം അതിനനുസരിച്ച് കണക്കാക്കണം. ലോകം പുതിയ മാറ്റങ്ങള്ക്ക് വിധേയമാകുകയാണ്. സ്വകാര്യവും സാംസ്കാരികവുമായ മാറ്റങ്ങളും ഇതനുസരിച്ച് മാറും. -- ചന്ദ്രചൂഢ് പറഞ്ഞു.