കെ ആര്‍ രമേശ് കുമാര്‍ കര്‍ണാടക നിയമസഭ സ്പീക്കര്‍

ബെംഗലുരു: മുതിര്‍ന്ന കോൺഗ്രസ് നേതാവ് കെ ആര്‍ രമേശ് കുമാറിനെ എതിരില്ലാതെ കര്‍ണാടക നിയമസഭ സ്പീക്കറായി തെരഞ്ഞെടുത്തു. സ്പീക്കര്‍ തെരഞ്ഞെടുപ്പിൽ നിന്ന് ബിജെപി സ്ഥാനാര്‍ഥി അവസാനനിമിഷം പിന്മാറിയതോടെയാണ് രമേശ് കുമാറിനെ സ്പീക്കറായി തെരഞ്ഞെടുത്തത്.

കര്‍ണാടക നിയമസഭയിൽ മുൻപ് അഞ്ചു തവണ എംഎൽഎ ആയിരുന്ന നേതാവാണ് രമേശ് കുമാര്‍. മുൻപ് സിദ്ധരാമയ്യ മന്ത്രിസഭയിൽ ആരോഗ്യമന്ത്രിയായിരുന്നു.

മുൻമുഖ്യമന്ത്രിമാരായ സിദ്ധരാമയ്യ, യെദ്യൂരപ്പ, കര്‍ണാടക കോൺഗ്രസ് കമ്മിറ്റി അധ്യക്ഷൻ ഡി കെ ശിവകുമാര്‍ എന്നിവര്‍ സ്പീക്കറെ അനുമോദിച്ചു.

കര്‍ണാടക നിയമസഭയിൽ അൽപസമയത്തിനകം എച്ച് ഡി കുമാരസ്വാമി വിശ്വാസവോട്ട് തേടും.