കര്‍ണാടക കോൺഗ്രസ് എംഎൽഎ വാഹനാപകടത്തിൽ മരിച്ചു

ബെംഗലുരു: കര്‍ണാടകയിലെ കോൺഗ്രസ് എംഎൽഎ വാഹനാപടത്തിൽ മരിച്ചു. ജാംഗണ്ഡി മണ്ഡലത്തിൽ നിന്ന് ഇക്കഴിഞ്ഞ തെരഞ്ഞെടുപ്പിൽ ജയിച്ച സിദ്ദു ന്യാമഗൗഡയാണ് മരിച്ചത്.

ഗോവയിൽ നിന്ന് ബാഗൽകോട്ടയിലേയ്ക്ക് കാറിൽ സഞ്ചരിക്കുന്നതിനിടെയാണ് അപകടം. തുളസിഗേരിയ്ക്ക് സമീപമായിരുന്നു അപകടമുണ്ടായത്. ഉടൻ തന്നെ അദ്ദേഹത്തെ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു.



ബിജെപിയുടെ ശ്രീകാന്ത് കുൽക്കര്‍ണിയെ 2500ഓളം വോട്ടുകള്‍ക്ക് പരാജയപ്പെടുത്തിയാണ് സിദ്ദു എംഎൽഎയായത്. കോൺഗ്രസ് അദ്ദേഹത്തിന്‍റെ കുടുംബത്തെ അനുശോചനം അറിയിക്കുന്നതായി ട്വിറ്ററിൽ രേഖപ്പെടുത്തി.