ടിപ്പു ജയന്തി ആഘോഷം തടയാനാവില്ല; കര്‍ണ്ണാടക ഹൈക്കോടതി

ബംഗളൂരു: ടിപ്പു ജയന്തി ആഘോഷം തടയാനാകില്ലെന്ന് കര്‍ണാടക ഹൈക്കോടതി. ടിപ്പു ജയന്തിക്കെതിരായി സമര്‍പ്പിച്ച പൊതു താല്‍പര്യ ഹര്‍ജിയിലാണ് കോടതി വിധി. കര്‍ണാടകയിലെ കൊടഗു
ജില്ലയില്‍ നവംബര്‍ 10ന് നടക്കാനിരിക്കുന്ന ടിപ്പു ജയന്തി ആഘോഷം തടയണമെന്നും ആഘോഷം മതസൗഹാര്‍ദം തകര്‍ക്കുമെന്നുമാണ് ഹര്‍ജിയില്‍ പറയുന്നത്.

കെ.പി മഞ്ജുനാഥാണ് ഹര്‍ജി സമര്‍പ്പിച്ചത്. 2015ല്‍ നടന്ന ടിപ്പു ജയന്തി ആഘോഷത്തിനിടെ വര്‍ഗീയ ലഹള വ്യാപകമായ രീതിയില്‍ നടന്നുവെന്നും അതുകൊണ്ട് ആഘോഷങ്ങള്‍ തടയണമെന്നുമായിരുന്നു ഹര്‍ജിക്കാരന്റെ ആവശ്യം.

ആയിരകണക്കിന് കൊടഗു നിവാസികളെ ടിപ്പു സുല്‍ത്താന്‍ കൊലപ്പെടുത്തിയെന്നും ഹര്‍ജിയില്‍ പറയുന്നു. എന്നാല്‍ ഹര്‍ജിയിലെ ആവശ്യങ്ങള്‍ അംഗീകരിക്കാന്‍ കോടതി തയ്യാറായില്ല.

Karnataka high court refuses to stay commemoration of Tipu Jayanti

The Karnataka high court on Tuesday refused to grant a stay on the controversial issue of celebrating of Tipu Sultan's birth anniversary in the state.