PM Modi: കര്‍ണാടക കോണ്‍ഗ്രസിന്റെ എടിഎം, കുമാരസ്വാമി ചീഫ് മാനേജര്‍: ബി ജെ പി

ബെംഗളൂരു: കോണ്‍ഗ്രസിനും ജെഡിഎസിനുമെതിരെ രൂക്ഷ വിമര്‍ശവുമായി ബിജെപി. കർണാടക കോണ്‍ഗ്രസിന്റെ എടിഎമ്മാണെന്നും കുമാരസ്വാമി അതിന്‍െ ചീഫ് മാനേജരാണെന്നും ബിജെപി ആരോപിച്ചു. കുമാരസ്വാമി ഗാന്ധി കുടുംബത്തിന്റെ കാല്‍ക്കല്‍ അടിയറവ് പറഞ്ഞു.

കോണ്‍ഗ്രസിന്റെ കാരുണ്യത്തിലാണ് താന്‍ മുഖ്യമന്ത്രിയായതെന്ന കുമാരസ്വാമിയുടെ പ്രസ്താവനയ്ക്ക് പിന്നാലെയാണ് രൂക്ഷ വിമര്‍ശവുമായി ബിജെപി രംഗത്ത് വന്നത്. കര്‍ണാടകയിലെ ജനങ്ങളല്ല കോണ്‍ഗ്രസിന്റെ കാരുണ്യമാണ് തന്റെ മുഖ്യമന്ത്രി പദത്തിന് കാരണമെന്നും സര്‍ക്കാര്‍ രൂപീകരിക്കാനാവശ്യമായ ഭൂരിപക്ഷം തങ്ങള്‍ക്ക് കര്‍ണാടകയിലെ ജനങ്ങള്‍ നല്‍കിയിരുന്നില്ലെന്നും കുമാരസ്വാമി ഞായറാഴ്ച പറഞ്ഞിരുന്നു.

ഇതിന് മറുപടിയുമായി രംഗത്ത് വന്നത് ബിജെപി വക്താവ് സംബീത് പത്രയാണ്. ഇതിനേക്കാള്‍ ദുഖകരമായ മറ്റൊന്നുമില്ല. രാജ്യത്തെ ജനാധിപത്യത്തിന്റെ അന്തസ് കെടുത്തുന്ന അധിക്ഷേപിക്കുന്നതിനു തുല്യമാണെന്നും സംബീത് പത്ര പറഞ്ഞു.

കോണ്‍ഗ്രസിന് കര്‍ണാടക എടിഎമ്മായിരുന്നു. അവര്‍ ഇവിടെ പുതിയ ചീഫ് മാനേജരായി കുമാരസ്വാമിയെ കണ്ടെത്തിയിരിക്കുന്നു. കര്‍ണാടക ഭരിക്കുന്നത് ജന്‍പഥില്‍ നിന്ന് കോണ്‍ഗ്രസ് മുന്‍ അധ്യക്ഷ സോണിയ ഗാന്ധിയുടെ നിര്‍ദ്ദേശപ്രകാരമാണെന്നും സംബീത് പത്ര ആരോപിച്ചു.