കർണാടകയിൽ പെട്രോൾ, ഡീസൽ വില രണ്ട് രൂപ വീതം കുറയ്ക്കും

ബെംഗലൂരു: കര്‍ണാടകയിൽ പെട്രോള്‍, ഡീസൽ വിലകള്‍ രണ്ട് രൂപ വീതം കുറയ്ക്കാൻ സംസ്ഥാന സര്‍ക്കാര്‍ തീരുമാനിച്ചതായി മുഖ്യമന്ത്രി എച്ച് ഡി കുമാരസ്വാമി. കൽബുര്‍ഗിയിൽ വെച്ചായിരുന്നു കുമാരസ്വാമിയുടെ പ്രഖ്യാപനം.

നികുതി കുറയ്ക്കുന്നതിലൂടെ സംസ്ഥാന സര്‍ക്കാരിന് ഇന്ധന വിലയിൽ കുറവ് വരുത്താൻ സാധിക്കുമെന്നാണ് കര്‍ണാടകയിലെ ജനങ്ങള്‍ വിശ്വസിക്കുന്നതെന്നും അതുകൊണ്ട് പെട്രോളിനും ഡീസലിനും രണ്ട് രൂപ വീതം കുറയ്ക്കാൻ കര്‍ണാടകയിലെ സഖ്യകക്ഷി സര്‍ക്കാര്‍ തീരുമാനിച്ചതായും കുമാരസ്വാമി അറിയിച്ചു. സര്‍ക്കാരിന്‍റെ ഈ നീക്കം സംസ്ഥാനത്തെ ജനങ്ങള്‍ക്ക് കുറച്ച് ആശ്വാസം പകരുമെന്ന് വിചാരിക്കുന്നുവെന്നും കുമാരസ്വാമി പറ‍ഞ്ഞു.


ആന്ധ്രാപ്രദേശ്, പശ്ചിമ ബാംഗാള്‍ സര്‍ക്കാരുകള്‍ പെട്രോള്‍, ഡീസൽ വിലകള്‍ കുറച്ചതിന് പിന്നാലെയാണ് കുമാരസ്വാമിയുടെ പ്രഖ്യാപനം.