പെന്‍ഷന്‍ വിതരണം 21 സംസ്ഥാനങ്ങളില്‍ ഡിജിറ്റല്‍ ആകും

ന്യൂഡല്‍ഹി: രാജ്യത്തെ 21 സംസ്ഥാനങ്ങളിലും കേന്ദ്രഭരണ പ്രദേശങ്ങളിലും സര്‍ക്കാര്‍ ജീവനക്കാരുടെ പെന്‍ഷന്‍ വിതരണം ഡിജിറ്റലാക്കുന്നു. ഒരു ജീവനക്കാരന്‍ വിരമിച്ച് അതേമാസം തന്നെ പെന്‍ഷന്‍ രേഖകള്‍ ശരിയാക്കുന്നതിനും പെന്‍ഷന്‍ ലഭ്യമാക്കുന്നതിനുമുള്ള ഡി‍ജിറ്റല്‍ എന്‍ഡ്‍-ടു-എന്‍ഡ്‍ സംവിധാനമാണ് കംപ്‍ട്രോളര്‍ ഓഡിറ്റര്‍ ജനറല്‍ ആവിഷ്‍കരിക്കുന്ന പദ്ധതി.

100 ശതമാനം ഡിജിറ്റല്‍ പെന്‍ഷന്‍ വിതരണം സാധ്യമാക്കിയ സംസ്ഥാനമാണ് കേരളം. എല്ലാ സര്‍ക്കാര്‍ വകുപ്പുകളില്‍ നിന്നുമുള്ള അപേക്ഷകളും പെന്‍ഷന്‍ ഓര്‍ഡറും ഡിജിറ്റല്‍ മാര്‍ഗത്തിലൂടെ എളുപ്പം കൈകാര്യം ചെയ്യാന്‍ ഇതുപയോഗിച്ച് കഴിയും.

മറ്റു സംസ്ഥാനങ്ങളും കേരള മാതൃകയില്‍ എല്ലാ സര്‍ക്കാര്‍ വകുപ്പുകളും കംപ്യൂട്ടറൈസ് ചെയ്യാന്‍ സിഎജി നിര്‍ദേശം നല്‍കിയിട്ടുണ്ട്. ജാര്‍ഖണ്ഡ്, ഒഡീഷ, മഹാരാഷ്ട്ര സംസ്ഥാനങ്ങള്‍ ഇലക്ട്രോണിക് മാര്‍ഗമുള്ള രേഖകള്‍ സമര്‍പ്പിക്കുന്ന പൈലറ്റ് പ്രോജക്റ്റിന് തുടക്കം കുറിച്ചിട്ടുണ്ട്.