മതംമാറ്റം: കേരള സര്‍ക്കാര്‍ ഇതുവരെ റിപ്പോര്‍ട്ട് നല്‍കിയിട്ടില്ലെന്ന് കേന്ദ്ര മന്ത്രി

ഹൈദരാബാദ്: മലപ്പുറം ജില്ലയില്‍ നടക്കുന്ന വിവാദ മതംമാറ്റങ്ങളെപ്പറ്റി കേന്ദ്രം ആവശ്യപ്പെട്ട റിപ്പോര്‍ട്ട് ഇതുവരെ കേരള സര്‍ക്കാര്‍ നല്‍കിയിട്ടില്ലെന്ന് കേന്ദ്ര മന്ത്രി ഹന്‍സ്‍രാജ് ആഹിര്‍. മലപ്പുറം ജില്ലയിലെ ഒരു കേന്ദ്രത്തില്‍ ഒരു മാസത്തില്‍ ആയിരത്തിലധികം പേരെ മതംമാറ്റുന്നുണ്ടെന്നും മന്ത്രി ആരോപിച്ചു.

മലപ്പുറം ജില്ലയിലെ കേന്ദ്രത്തില്‍ ഹിന്ദുക്കളെയും ക്രിസ്ത്യാനികളെയും മതംമാറ്റുന്നതായി റിപ്പോര്‍ട്ടുകള്‍ ഉണ്ടെന്ന് മന്ത്രി പറഞ്ഞു. കഴിഞ്ഞ മേയില്‍ താന്‍ അവിടം സന്ദര്‍ശിച്ചിരുന്നു. ജിഡിപി, ചീഫ് സെക്രട്ടറി എന്നിവരുമായി താന്‍ അന്ന് ചര്‍ച്ച നടത്തിയിരുന്നു. മതംമാറ്റത്തെക്കുറിച്ച് അന്വേഷിച്ച് റിപ്പോര്‍ട്ട് നല്‍കണമെന്ന് അന്ന് ആവശ്യപ്പെട്ടിരുന്നു, ആഹിര്‍ പറഞ്ഞു. കേരളത്തിലെ ലവ് ജിഹാദിനെക്കുറിച്ച് എൻഐഎ അന്വേഷണം നടത്തണമെന്ന് സുപ്രീം കോടതി ആവശ്യപ്പെട്ടതിനെക്കുറിച്ചുള്ള ചോദ്യത്തിന് മുറപടി പറയുകയായിരുന്നു അദ്ദേഹം.

എന്‍ഐഎ അന്വേഷണം തുടങ്ങിയ സ്ഥിതിക്ക് അവിടെ നടക്കുന്ന കാര്യങ്ങളെല്ലാം പുറത്തുവരും. എന്നാലും കേന്ദ്രം ആവശ്യപ്പെട്ടിട്ടും കേരള സര്‍ക്കാര്‍ മതംമാറ്റത്തെക്കുറിച്ച് റിപ്പോര്‍ട്ട് നല്‍കിയില്ല, അദ്ദേഹം കൂട്ടിച്ചേര്‍ത്തു.

Kerala govt yet to submit report on religious conversions: Hansraj Ahir

The Kerala government is yet to submit an inquiry report sought by the Centre on alleged religious conversions taking place in Malappuram district, Union Minister of State for Home Hansraj Ahir said.