ലവ് ജിഹാദ് കേസും ബ്ലൂ വെയിലും സമാനമെന്ന് സുപ്രീം കോടതി

ന്യൂഡല്‍ഹി: ഹാദിയയെ മതം മാറ്റിയ കേസും ബ്ലൂ വെയില്‍ ഗെയിമും സമാനമാണെന്ന് സുപ്രീം കോടതി. ഹാദിയ കേസില്‍ എന്‍ഐഎ അന്വേഷണം നടത്താന്‍ സുപ്രീം കോടതി ഉത്തരവിട്ടതിനെ ഹര്‍ജിക്കാരനായ ഷാഫിന്‍ ജഹാന്‍റെ അഭിഭാഷകരായ കപില്‍ സിബലും ഇന്ദിര ജയ്‍സിങ്ങും എതിര്‍ത്തപ്പോളാണ് കോടതി ഇങ്ങനെ അഭിപ്രായപ്പെട്ടത്.

അവള്‍ (ഹാദിയ) ഒരു ചെറിയ കുട്ടിയല്ല, 25 വയസായ യുവതിയാണ്. അവള്‍ ഒരു ഉറച്ച മനസ്സുള്ള കുട്ടിയാണ്. ആരും ഉപദേശം നല്‍കേണ്ട രീതിയില്‍ ദുര്‍ബലയായ വ്യക്തിയല്ല. ജഡ്‍ജിമാര്‍ അവളോട് സംസാരിച്ചിരുന്നെങ്കില്‍ എല്ലാം വ്യക്തമാകുമായിരുന്നു എന്നായിരുന്നു കപില്‍ സിബലും ഇന്ദിര ജയ്‍സിങും വാദിച്ചത്.

എന്നാല്‍, നിങ്ങള്‍ ബ്ലൂ വെയില്‍ ഗെയിമിനെക്കുറിച്ച് കേട്ടിട്ടുണ്ടോ എന്ന് ചോദിച്ചുകൊണ്ടായിരുന്നു കോടതിയുടെ പ്രതികരണം. ആളുകളെ മാനസികമായി സ്വാധീനിച്ചുകഴിഞ്ഞാല്‍ അവരെക്കൊണ്ട് എന്തും ചെയ്യിക്കാം, കോടതി പറഞ്ഞു. നിങ്ങള്‍ പറഞ്ഞത് ശരിയാണ്, അവള്‍ 25 വയസ്സുള്ള പെണ്‍കുട്ടിയാണ്. പക്ഷേ, എന്തിനാണ് അവള്‍ ഹൈക്കോടതിയില്‍ മൂന്ന് സമയത്ത് മൂന്ന് വ്യത്യസ്‍ത പേരുകള്‍ നല്‍കിയത്. എന്തിനാണ് യോഗ്യതകളുള്ള ഒരു ഹോമിയോപ്പതി പ്രൊഫഷനല്‍ പെട്ടെന്ന് ആ മേഖല വിട്ടത്, കോടതി ചോദിച്ചു.

Kerala 'love jihad' case: Supreme Court draws parallel to Blue Whale game

The SC was expressing concern over the psychological angle involved in the alleged love jihad and the cases of suicide of children playing the Blue Whale Challenge.