കോടനാട്: പ്രതിയുടെ ഭാര്യയും മകളും നേരത്തെ മരിച്ചെന്ന് സംശയം

പാലക്കാട്: കോടനാട് എസ്റ്റേറ്റ് കാവൽക്കാരനെ കൊലപ്പെടുത്തിയ കേസിലെ പ്രതികൾ രണ്ട് സ്ഥലങ്ങളിൽ അപകടങ്ങളിൽ പെട്ടതിൽ ദുരൂഹതയേറുന്നു. ഒന്നാം പ്രതി കനകരാജ് സേലത്തുണ്ടായ അപകടത്തിൽ മരിച്ചു. രണ്ടാം പ്രതി ഷൈനിന്‍റെ ഭാര്യ വിനു പ്രിയ, മകൾ നീതു എന്നിവർ പാലക്കാട് കണ്ണാടിയിലുണ്ടായ അപകടത്തിൽ മരിച്ചു എന്നായിരുന്നു പ്രാഥമിക വിവരം.

എന്നാൽ, വിനു പ്രിയയുടെയും മകൾ നീതു എന്നിവരുടെ കഴുത്തിൽ ആഴത്തിലുള്ള മുറിവുകൾ കണ്ടെത്തി. ഇരുവരും അപകടം നടക്കുന്നതിന് മുൻപ് തന്നെ മരിച്ചിട്ടുണ്ടാകാമെന്നാണ് ഇപ്പോഴത്തെ സംശയം. ഷൈൻ ഗുരുതരാവസ്ഥയിൽ തുടരുകയാണ്. കോടനാട് എസ്റ്റേറ്റ് കാവൽക്കാരൻ കൊല്ലപ്പെട്ട രാത്രിയിൽ തന്നെ പ്രതികളെ പോലീസ് പിടികൂടിയിരുന്നെങ്കിലും അവരെ അന്ന് തന്നെ വിട്ടയച്ചത് കേസിലെ ദുരൂഹത വർധിപ്പിക്കുന്നു.

Kodanad: mystery behind the case increases