നടിക്ക് നേരെ അതിക്രമം; പിന്തുണയുമായി കോളിവുഡ്

നടിയെ അക്രമിച്ച സംഭവത്തിൽ നടിയ്ക്ക് പിന്തുണയുമായി തമിഴ് താരങ്ങളും രംഗത്ത്. പ്രതികളെ ഉടൻ പിടികൂടണമെന്നും കഠിനമായ ശിക്ഷ നൽകണമെന്നും നടികര്‍ സംഘം സെക്രട്ടറി വിശാല്‍ പറഞ്ഞു. ഇക്കാര്യമാവശ്യപ്പെട്ട് നടികർ സംഘം കേരളാ മുഖ്യമന്ത്രി പിണറായി വിജയന് കത്തയച്ചിട്ടുണ്ട്.

വിഷാൽ, സമാന്ത, ഖുഷ്ബു, സിദ്ധാര്‍ത്ഥ്, തൃഷ തുടങ്ങിയവരും നടിക്ക് പിന്തുണയുമായെത്തി.

ധീര എന്നാണ് സാമന്ത നടിയെ വിശേഷിപ്പിച്ചത്. "ഞാന്‍ എന്റെ ടൈംലൈന്‍ നിരന്തരം പരിശോധിച്ചുകൊണ്ടിരിക്കും. നിങ്ങള്‍ സിനിമയില്‍ തിരിച്ചെത്തുന്നതിനായി കാത്തിരിക്കുകയാണ്"- സമാന്തയുടെ ട്വീറ്റ്.

അക്രമിക്കപ്പെട്ട നടിക്ക് ഐക്യദാർഢ്യം പ്രഖ്യാപിച്ച് രംഗത്ത് വന്ന മലയാള സിനിമാ ലോകത്തിന് എന്റെ സർവ ആദരവും എന്നാണ് ഖുഷ്ബു ട്വീറ്റ് ചെയ്തത്.

സിദ്ധാർത്ഥിന്റെ ട്വീറ്റ് - താൻ നടിക്കൊപ്പം നിൽക്കുന്നു . ലോകത്തെ എല്ലാ ശക്തികളും സ്നേഹവും നടിക്കൊപ്പമാണെന്നും സിദ്ധാർത്ഥ്.

സൂപ്പർഗേൾ എന്നാണ് തൃഷ നടിയെ വിശേഷിപ്പിച്ചത്. "സംഭവം വളരെ ഭയപ്പെടുത്തുന്നതാണ്. എന്റെ പൂർണ പിന്തുണയും നിങ്ങൾക്കൊപ്പം"- തൃഷ ട്വിറ്ററിൽ കുറിച്ചു.

Kollywood support Malayalam actor who has molested in car.