കുല്‍ഭൂഷണ്‍ ജാദവ് ദയാഹര്‍ജി നല്‍കി: പാക് സൈന്യം

ന്യൂഡല്‍ഹി: പാകിസ്ഥാനില്‍ വധശിക്ഷയ്ക്ക് വിധിക്കപ്പെട്ട ഇന്ത്യക്കാരന്‍ കുല്‍ഭൂഷണ്‍ ജാദവ് ദയാഹര്‍ജി നല്‍കി. ചീഫ് ഓഫ് ആര്‍മി സ്റ്റാഫ് ഖമര്‍ ജാവേദ് ബജ്‍വയ്ക്ക് ജാദവ് ദയാഹര്‍ജി സമര്‍പ്പിച്ചതായി പാകിസ്ഥാന്‍ സൈന്യം വ്യാഴാഴ്‍ച അറിയിച്ചു.

താന്‍ കാരണം അനേകം ജീവന്‍ നഷ്‍ടപ്പെട്ടെന്നും അതില്‍ ദുഖിക്കുന്നു എന്നും പറഞ്ഞാണ് ജാദവ് ഹര്‍ജി നല്‍കിയതെന്നാണ് പാക് സൈന്യത്തിന്‍റെ വാദം. താന്‍ ചെയ്‍തതിന് ജാദവ് മാപ്പുചോദിക്കുന്നതായുള്ള ഒരു വീഡിയോയും സൈന്യം പുറത്തുവിട്ടിട്ടുണ്ട്. സൈനിക മേധാവിക്ക് ദയവുതോന്നി തന്നെ ജീവിക്കാന്‍ വിടണമെന്നാണ് ദയാഹര്‍ജിയില്‍ അപേക്ഷിച്ചിട്ടുള്ളതെന്നാണ് സൈന്യത്തിന്‍റെ വാദം.

മുന്‍ ഇന്ത്യന്‍ നാവികസേനാ ഉദ്യോഗസ്ഥനായ കുല്‍ഭൂഷണ്‍ ജാദവിനെ കഴിഞ്ഞ വര്‍ഷമാണ് പാകിസ്ഥാന്‍ പിടികൂടിയത്. ചാരപ്രവൃത്തി നടത്തി എന്നാരോപിച്ച് സൈനിക കോടതി യാദവിനെ വധശിക്ഷയ്ക്ക് വിധിക്കുകയായിരുന്നു. ഇന്ത്യന്‍ നയതന്ത്രപ്രതിനിധിക്ക് അദ്ദേഹത്തെ കാണാന്‍ അവസരം നല്‍കണമെന്നാവശ്യപ്പെട്ട് ഇന്ത്യ പലതവണ പാകിസ്ഥാനെ സമീപിച്ചെങ്കിലും അതെല്ലാം തള്ളി. ജാദവിന്‍റെ വധശിക്ഷ നടപ്പാക്കുന്നത് കഴിഞ്ഞ മാസം അന്താരാഷ്ട്ര നീതിന്യായ കോടതി തടഞ്ഞിരുന്നു.

Kulbhushan Jadhav files mercy petition before Pakistan Army Chief

The Pakistan army on Thursday announced that an alleged Indian naval officer Kulbhushan Jadhav, awaiting death sentence in its country, has filed a mercy petition before its chief General Qamar Javed Bajwa.