സര്‍ക്കാരുണ്ടാക്കാന്‍ കുമാരസ്വാമി ഗവര്‍ണര്‍ക്ക് കത്ത് നല്‍കി

ബെംഗളൂരു: സര്‍ക്കാര്‍ രൂപീകരിക്കുന്നതിനായി നിര്‍ണായക നീക്കങ്ങള്‍ നടക്കുകയാണ് കര്‍ണാടകയില്‍. സര്‍ക്കാര്‍ രൂപീകരണത്തിന് അവകാശവാദമുന്നയിച്ച് എച്ച്.ഡി.കുമാരസ്വാമി ഗവര്‍ണര്‍ക്ക് കത്ത്നല്‍കി.

തിര‍ഞ്ഞെടുപ്പ് ഫലം മുഴുവനായി വന്നതിനു ശേഷമേ ഇരു പാര്‍ട്ടി പ്രതിനിധികളെയും കാണൂ എന്നാണ് ഗവര്‍ണര്‍ വാജുഭായ് വാല വ്യക്തമാക്കിയിരിക്കുന്നത്. നേരത്തെ കോണ്‍ഗ്രസ് കുമാരസ്വാമിയ്ക്ക് മുഖ്യമന്ത്രി സ്ഥാനം വാഗ്ദാനം ചെയ്തിരുന്നു.


കോണ്‍ഗ്രസില്‍ നിന്ന് 20 ഉം ജെഡിഎസില്‍ നിന്ന് 14 ഉം മന്ത്രിമാര്‍ സത്യപ്രതിജ്ഞ ചെയ്യുമെന്നും ധാരണയായിരുന്നു. കോണ്‍ഗ്രസിന്‍റെ നിര്‍ദ്ദേശം ജെഡിഎസിന് സ്വീകാര്യമെന്നാണ് നേതാക്കള്‍ അറിയിച്ചിരിക്കുന്നത്. കോണ്‍ഗ്രസ് ജെഡിഎസ് സഖ്യം ലോക്സഭ തിരഞ്ഞെടുപ്പിലും തുടരുമെന്നും ഇരു പാര്‍ട്ടിയിലെയും മുതിര്‍ന്ന നേതാക്കള്‍ വ്യക്തമാക്കി. ഇതിനിടെ കോണ്‍ഗ്രസ് നീക്കങ്ങളെ അപലപിച്ച് ബിജെപി രംഗത്തെത്തി.