സിബിഐ കുംഭകര്‍ണനെ പോലെ ഉറങ്ങുകയായിരുന്നു: കാര്‍ത്തി ചിദംബരം

ന്യൂഡല്‍ഹി: ഐഎന്‍എസ് മീഡിയ കേസില്‍ കാര്‍ത്തി ചിദംബരത്തെ അറസ്റ്റ് ചെയ്യുന്നതുവരെ സിബിഐ കുഭകര്‍ണനേപ്പോലെ ഉറങ്ങുകയായിരുന്നുവെന്ന് കാര്‍ത്തി ചിദംബരം കോടതിയില്‍ .കാര്‍ത്തിക്ക് വേണ്ടി ഹാജരായ അഭിഭാഷകനും കേണ്‍ഗ്രസ് നേതാവുമായ മനു അഭിഷേക് സിംഗ്‌വിയാണ് സിബിഐയ്ക്കെതിരേ രംഗത്തെത്തിയത്.

ആറുമാസങ്ങള്‍ക്ക് മുമ്പ് കഴിഞ്ഞ ആഗസ്റ്റില്‍ കാര്‍ത്തി ചിദംബരത്തിനെ സിബിഐ കേസുമായി ബന്ധപ്പെട്ട് ചോദ്യം ചെയ്തിരുന്നതാണെന്നും അതിന് ശേഷം ഇപ്പോഴാണ് അറസ്റ്റ് ചെയ്യുന്നതെന്നും സിംഗ്‌വി പറഞ്ഞു.
കേസില്‍ സിബിഐ ഹാജരാക്കിയ രേഖകളില്‍ നിറയെ കുത്തുവാക്കുകളും മുന്‍വിധികളുമാണെന്നും അദ്ദേഹം വാദിച്ചു.

അതേസമയം കാര്‍ത്തി ചിദംബരത്തിനെതിരേ തെളിവുകള്‍ നിരവധിയുണ്ടെന്നും അവ തുറന്ന കോടതിയില്‍ ചര്‍ച്ച ചെയ്യാന്‍ സാധിക്കില്ലെന്നുമാണ് സിബിഐ നിലപാട്.