കാലിത്തീറ്റകുംഭകോണം: ലാലുവിന്‍റെ വിധി നാളെ

റാഞ്ചി: കാലിത്തീറ്റ കുംഭകോണ കേസിൽ ആർജെഡി നേതാവ് ലാലു പ്രസാദ് യാദവിനുള്ള ശിക്ഷ നാളെ വിധിക്കും. അഭിഭാഷക വിന്ദേശ്വരി പ്രസാദിന്‍റെ നിര്യാണത്തെ തുടർന്നാണ് വിധി പറയുന്നത് നീട്ടിവെച്ചത്. കേസിൽ ഇന്ന് വിധി പ്രഖ്യാപനം ഉണ്ടാകുമെന്ന് അറിയിച്ചിരുന്നതിനെ തുടർന്ന് ലാലു അടക്കമുള്ള 16 പ്രതികളും സിബിഐ കോടതിയിൽ എത്തിയിരുന്നു.

മൃഗസംരക്ഷണ വകുപ്പുമായി ചേർന്ന് കാലിത്തീറ്റ വാങ്ങിയതുമായി ബന്ധപ്പെട്ട് 900 കോടിയോളം രൂപ തട്ടിയ കേസുകളിലാണ് ലാലു പ്രതിയായത്. ഇതുമായി ബന്ധപ്പെട്ട അഞ്ച് കേസുകളിൽ ലാലു പ്രതിയാണെന്ന് സിബിഐ കോടതി കണ്ടെത്തിയിരുന്നു.