യു പിയില്‍ നിയമ വിദ്യാര്‍ത്ഥിയെ തലക്കടിച്ച് കൊന്നു

അലഹാബാദ്: യു പിയില്‍ 26കാരനായ നിയമ വിദ്യാര്‍ത്ഥിയെ തലയ്ക്കടിച്ചു കൊലപ്പെടുത്തി. ദിലീപാണ് (6) മരിച്ചത്. ഹോക്കി സ്റ്റിക്ക് കൊണ്ടും ഇരുമ്പ് വടികൊണ്ടുമുള്ള അടിയേറ്റാണ് യുവാവ് മരിച്ചത്. അലഹബാദിലെ ഒരു ഹോട്ടലില്‍ ഭക്ഷണം കഴിക്കാനെത്തിയ രണ്ടു ഗ്രൂപ്പുകള്‍ തമ്മിലുണ്ടായ തര്‍ക്കമാണ് കൊലപാതകത്തില്‍ കലാശിച്ചത്.

സംഭവവുമായി ബന്ധപ്പെട്ട് ഹോട്ടലില്‍ വെയിറ്ററായ മുന്ന ചൗഹാനെ പോലീസ് കസ്റ്റടിയിലെടുത്തു. തര്‍ക്കത്തിനിടെ അടിയേറ്റതില്‍ ക്ഷുഭിതനായാണ് മുന്ന ചൗഹാന്‍ ദിലീപിന്റെ തലക്കടിച്ചത്. ദിലീപിനെ തലക്കടിച്ച് ആക്രമിച്ച ശേഷം പിന്നീട് ആസ്പത്രിയിലെത്തിച്ചതും മുന്ന ചൗഹാന്‍ ആയിരുന്നു.

തര്‍ക്കത്തില്‍ ഏര്‍പ്പെട്ട വിജയ് ശങ്കര്‍ എന്നയാളെയും കൂട്ടുകാരെയും കണ്ടുപിടിക്കാന്‍ പോലീസ് അന്വേഷണം തുടങ്ങി.