ഗര്‍ഭിണിയായ ഭാര്യയെ മര്‍ദ്ദിച്ച് ഭ്രൂണഹത്യ നടത്തിയ അഭിഭാഷകന്‍ അറസ്റ്റില്‍

മുംബൈ: ഗര്‍ഭിണിയായ ഭാര്യയെ മര്‍ദ്ദിച്ച് ഭ്രൂണഹത്യ നടത്തിയ അഭിഭാഷകനെ മുംബൈ പോലീസ് അറസ്റ്റ് ചെയ്തു. ദക്ഷിണ മുംബൈയിലെ കൊളാബാ മേഖലയിലാണ് സംഭവം .

11 ആഴ്ച്ച പ്രായമായ ഭ്രൂണം ഭര്‍ത്താവിന്‍റെ മര്‍ദ്ദനത്തില്‍ ഇല്ലാതായെന്നു കാണിച്ച് ഭാര്യ നല്‍കിയ പരാതിയിലാണ് പോലീസ് കേസെടുത്തത്.

അന്ധവിശ്വാസം തലക്കു പിടിച്ച ഭര്‍ത്താവ് കുഞ്ഞിനെ ഇല്ലാതാക്കാന്‍ പലപ്പോഴായി നിര്‍ബന്ധിച്ചിരുന്നതായും തന്നെ നിരന്തരം മര്‍ദ്ദിക്കാറുണ്ടായിരുന്നെന്നും ഭാര്യ നല്‍കിയ പരാതിയില്‍ പറയുന്നു.

കോടതിയില്‍ ഹാജരാക്കിയ പ്രതിയെ രണ്ടു ദിവസത്തേയ്ക്ക് പോലീസ് കസ്റ്റഡിയില്‍ വിട്ടു.