ന്യൂഡൽഹി: ഉത്തർ പ്രദേശിലെ അമേഠി, റായ്ബറേലി ലോക്സഭാ മണ്ഡലങ്ങളിലേക്കുള്ള കോൺഗ്രസ് സ്ഥാനാർഥി പ്രഖ്യാപനം ഉടൻ. ഇരു മണ്ഡലങ്ങളിലേക്കുള്ള സ്ഥാനാർഥി പ്രഖ്യാപനം സംബന്ധിച്ച് എഐസിസി അധ്യക്ഷൻ മല്ലികാർജുൻ ഖാർഗെ അന്തിമ തീരുമാനമെടുക്കും. കോൺഗ്രസിൻ്റെ കേന്ദ്ര തെരഞ്ഞെടുപ്പ് കമ്മിറ്റിയാണ് സ്ഥാനാർഥി പ്രഖ്യാപനം സംബന്ധിച്ച തീരുമാനം എഐസിസി അധ്യക്ഷന് വിട്ടത്. 24 മണിക്കൂറിനകം തീരുമാനമുണ്ടാകുമെന്ന് മുതിർന്ന നേതാവ് ജയറാം രമേശ് അറിയിച്ചു.
അമേഠിയിലെ സ്ഥാനാർഥി പ്രഖ്യാപനം നീളുന്നതിൽ പ്രതിഷേധവുമായി കോൺഗ്രസ് പ്രവർത്തകർ രംഗത്തെത്തിയിരുന്നു. ഗാന്ധി കുടുംബത്തെ അമേഠി ആവശ്യപ്പെടുന്നു എന്ന മുദ്രാവാക്യം മുഴക്കിയാണ് പ്രവർത്തകർ പാർട്ടി ഓഫീസിന് മുന്നിൽ പ്രതിഷേധിച്ചത്. അതേസമയം രാഹുൽ ഗാന്ധി വീണ്ടും അമേഠിയിൽ മത്സരിച്ചേക്കുമെന്ന സൂചനയുണ്ടെന്നാണ് ദേശീയ മാധ്യമങ്ങളുടെ റിപ്പോർട്ട്. നിലവിൽ സീറ്റിങ് സീറ്റായ വയനാട്ടിൽനിന്ന് രാഹുൽ ജനവിധി തേടിയിട്ടുണ്ട്.
അമേഠി, റായ്ബറേലി സീറ്റുകളിലേക്കുള്ള സ്ഥാനാർഥി പ്രഖ്യാപനം കേന്ദ്ര തെരഞ്ഞെടുപ്പ് കമ്മിറ്റി തീരുമാനിക്കുമെന്ന് കോൺഗ്രസ് നേതാവ് രാജീവ് ശുക്ല പറഞ്ഞു. ഗാന്ധി കുടുംബം വളരെ ജനപ്രിയരാണ്. അവരുടെ പൊതുയോഗങ്ങളിൽ ലക്ഷക്കണക്കിന് ആളുകൾ വരുന്നു. സ്ഥാനാർഥി പ്രഖ്യാപനം സംബന്ധിച്ച തീരുമാനം ഇപ്പോൾ കേന്ദ്ര തെരഞ്ഞെടുപ്പ് കമ്മിറ്റിക്ക് വിട്ടിരിക്കുകയാണെന്ന് അദ്ദേഹം വ്യക്തമാക്കി.
ലോക്സഭാ തെരഞ്ഞെടുപ്പിൻ്റെ അഞ്ചാംഘട്ട വോട്ടെടുപ്പ് നടക്കുന്ന മേയ് 20നാണ് അമേഠിയും റായ്ബറേലിയും പോളിങ് ബൂത്തിൽ എത്തുക. ഇന്ത്യ സഖ്യത്തിലെ ധാരണപ്രകാരം, ഉത്തർ പ്രദേശിലെ 80ൽ 17 സീറ്റുകളിലാണ് കോൺഗ്രസ് മത്സരിക്കുന്നത്. 63 സീറ്റുകളിൽ സമാജ്‍വാദി പാർട്ടി ഉൾപ്പെടെയുള്ള സഖ്യകക്ഷികളാണ് മത്സരിക്കുക. അതേസമയം അമേഠിയിൽ രണ്ടാം വിജയം തേടി കേന്ദ്രമന്ത്രി സ്മൃതി ഇറാനി നാമനിർദേശ പത്രിക സമർപ്പിച്ചു.
അമേഠിയിലെ സ്ഥാനാർഥി പ്രഖ്യാപനം നീളുന്നതിൽ പ്രതിഷേധവുമായി കോൺഗ്രസ് പ്രവർത്തകർ രംഗത്തെത്തിയിരുന്നു. ഗാന്ധി കുടുംബത്തെ അമേഠി ആവശ്യപ്പെടുന്നു എന്ന മുദ്രാവാക്യം മുഴക്കിയാണ് പ്രവർത്തകർ പാർട്ടി ഓഫീസിന് മുന്നിൽ പ്രതിഷേധിച്ചത്. അതേസമയം രാഹുൽ ഗാന്ധി വീണ്ടും അമേഠിയിൽ മത്സരിച്ചേക്കുമെന്ന സൂചനയുണ്ടെന്നാണ് ദേശീയ മാധ്യമങ്ങളുടെ റിപ്പോർട്ട്. നിലവിൽ സീറ്റിങ് സീറ്റായ വയനാട്ടിൽനിന്ന് രാഹുൽ ജനവിധി തേടിയിട്ടുണ്ട്.
അമേഠി, റായ്ബറേലി സീറ്റുകളിലേക്കുള്ള സ്ഥാനാർഥി പ്രഖ്യാപനം കേന്ദ്ര തെരഞ്ഞെടുപ്പ് കമ്മിറ്റി തീരുമാനിക്കുമെന്ന് കോൺഗ്രസ് നേതാവ് രാജീവ് ശുക്ല പറഞ്ഞു. ഗാന്ധി കുടുംബം വളരെ ജനപ്രിയരാണ്. അവരുടെ പൊതുയോഗങ്ങളിൽ ലക്ഷക്കണക്കിന് ആളുകൾ വരുന്നു. സ്ഥാനാർഥി പ്രഖ്യാപനം സംബന്ധിച്ച തീരുമാനം ഇപ്പോൾ കേന്ദ്ര തെരഞ്ഞെടുപ്പ് കമ്മിറ്റിക്ക് വിട്ടിരിക്കുകയാണെന്ന് അദ്ദേഹം വ്യക്തമാക്കി.
ലോക്സഭാ തെരഞ്ഞെടുപ്പിൻ്റെ അഞ്ചാംഘട്ട വോട്ടെടുപ്പ് നടക്കുന്ന മേയ് 20നാണ് അമേഠിയും റായ്ബറേലിയും പോളിങ് ബൂത്തിൽ എത്തുക. ഇന്ത്യ സഖ്യത്തിലെ ധാരണപ്രകാരം, ഉത്തർ പ്രദേശിലെ 80ൽ 17 സീറ്റുകളിലാണ് കോൺഗ്രസ് മത്സരിക്കുന്നത്. 63 സീറ്റുകളിൽ സമാജ്‍വാദി പാർട്ടി ഉൾപ്പെടെയുള്ള സഖ്യകക്ഷികളാണ് മത്സരിക്കുക. അതേസമയം അമേഠിയിൽ രണ്ടാം വിജയം തേടി കേന്ദ്രമന്ത്രി സ്മൃതി ഇറാനി നാമനിർദേശ പത്രിക സമർപ്പിച്ചു.