ഉത്തർപ്രദേശിൽ നവരാത്രിക്കാലത്ത് കശാപ്പ് ശാല തുറന്നു; ബലംപ്രയോഗിച്ച് അടപ്പിച്ച് ബിജെപി എംഎല്‍എ

ഗാസിയാബാദ്: നവരാത്രിക്കാലത്ത് തുറന്ന കശാപ്പ് ശാല അടപ്പിച്ച് ബിജെപി എംഎല്‍എ. ഉത്തര്‍പ്രദേശിലെ ഗാസിയാബാദിലെ ലോനിയിലാണ് സംഭവമുണ്ടായിരിക്കുന്നത്. ബിജെപി എംഎൽഎ നന്ദ് കിഷോർ ഗുർജാറാണ് പ്രദേശത്തെ ഇറച്ചി കടകൾ അടച്ചുപൂട്ടിയത്.

Also Read : കേരളത്തിൽ 53,000 പരിശോധനകള്‍ മാത്രം, 5,717 പേര്‍ക്ക് സമ്പര്‍ക്കബാധ; പുതിയതായി 6 ഹോട്ട് സ്‌പോട്ടുകള്‍

മൂന്ന് ജില്ലകളിലെ ഇറച്ചിക്കടകള്‍ അടച്ചുപൂട്ടുവാനാണ് നിര്‍ദ്ദേശിച്ചിരിക്കുന്നത്. നവരാത്രിക്കാലത്ത് മാംസം വിൽക്കരുതെന്ന് നിര്‍ദ്ദേശവും നൽകിയിട്ടാണ് എംഎൽഎ പോയത്.

Also Read : കേരളത്തിൽ ഇന്ന് 6,591 പേർക്ക് കൊവിഡ്-19 സ്ഥിരീകരിച്ചു; 7,375 രോഗമുക്തി

നവരാത്രിയിൽ ഇറച്ചി കടകൾ തുറക്കുന്നത് ദേശവിരുദ്ധ പ്രവർത്തനത്തിന് തുല്യമാണെന്നും അദ്ദേഹം പറഞ്ഞു. പ്രദേശത്തുള്ള എല്ലാ ഇറച്ചി കടകളും അടച്ചിട്ടുണ്ടെന്ന് തന്റെ ആളുകൾ ഉറപ്പുവരുത്തുമെന്ന് ബിജെപി എംഎൽഎ വ്യക്തമാക്കി.



Also Read : Fact Check : നീറ്റ് പരീക്ഷയിൽ ആദ്യ അഞ്ച് റാങ്കുകാരും മുസ്ലീങ്ങളാണോ ?

നി‍‍ർബന്ധിച്ച് കടകള്‍ അടപ്പിച്ച എംഎല്‍എക്കെതിരെ പോലീസ് നടപടിയൊന്നും ഇതുവരെയും എടുത്തിട്ടില്ലെന്നാണ് റിപ്പോര്‍ട്ട്. കഴിഞ്ഞ വർഷം സമാനമായ സംഭവം ഉണ്ടായിരുന്നു. ഉത്സവ വേളയിൽ ഇറച്ചി കടകൾ അടച്ചിട്ടിരിക്കുമെന്ന് ഗുര്‍ജാർ നിര്‍ദ്ദേശിക്കുകയും പരിശോധിക്കുകയും ചെയ്തിരുന്നു.