ഹിന്ദി നിർബന്ധമാക്കുന്നതിനെതിരെ എം.കെ.സ്റ്റാലിൻ

ചെന്നൈ: ഹിന്ദി നിർബന്ധമാക്കാനുള്ള നരേന്ദ്ര മോദി സർക്കാരിന്‍റെ ശ്രമത്തിനെതിരെ രൂക്ഷ വിമർശനവുമായി എം.കെ.സ്റ്റാലിൻ. ഹിന്ദി ഔദ്യോഗിക ഭാഷയാക്കണമെന്ന് പാര്‍ലമെന്‍ററി സമിതിയാണ് നിർദ്ദേശിച്ചത്. രാജ്യത്തിന്‍റെ ഐക്യം ഇത്തരം നീക്കങ്ങളിലൂടെ തകർക്കപ്പെടുമെന്ന് സ്റ്റാലിൻ കുറ്റപ്പെടുത്തി.

സിബിഎസ്ഇ സ്‌കൂളുകളിൽ ഹിന്ദി നിർബന്ധമാക്കിയിരുന്നു. പ്രൈമറി മുതൽ പാര്‍ലമെന്‍റ് വരെ ഹിന്ദി നിർബന്ധമാക്കുന്നതിലൂടെ ഭാവി തലമുറകളെ കൂടി വഞ്ചിക്കുകയാണ് ബിജെപി ചെയ്യുന്നതെന്ന് സ്റ്റാലിൻ കുറ്റപ്പെടുത്തി.

മുൻപും തമിഴ്‌ജനത ഹിന്ദി നിർബന്ധമാക്കാനുള്ള നീക്കത്തെ എതിർത്തിട്ടുണ്ടെന്നും സ്റ്റാലിൻ ചൂണ്ടിക്കാട്ടി.

M K Stalin voices against Modi's move to make Hindi compulsory

Modi's move to make hindi compulsory in parliament and other fields, gain more protest.