മധ്യപ്രദേശില്‍ വാഹനാപകടത്തില്‍ 9 പേര്‍ മരിച്ചു

ഗുണ: മധ്യപ്രദേശിലെ ഗുണയില്‍ ഉണ്ടായ വാഹനാപകടത്തില്‍ 9 പേര്‍ മരിച്ചു. 47 പേര്‍ക്ക് പരിക്കേറ്റു.സ്വകാര്യ ബസ് റോഡിന് അരികെ നിര്‍ത്തിയിട്ടിരുന്ന ട്രക്കില്‍ ഇടിക്കുകയായിരുന്നു.

പുലര്‍ച്ചെ അഞ്ചു മണിയോടെയാണ് അപകടം. ഒന്‍പതു പേരും അപകട സ്ഥലത്തു തന്നെ മരിച്ചു. ഉത്തര്‍പ്രദേശിലെ ബാണ്ഡയില്‍ നിന്നും അഹമ്മദാബാദിലേക്ക് പോകുകയായിരുന്ന ബസാണ് അപകടത്തില്‍പ്പെട്ടത്.

ഗുരുതരമായി പരിക്കേറ്റവരെ ജില്ലാ ആശുപത്രിയില്‍ പ്രവേശിപ്പിച്ചു. അമിതവേഗതയാണ് അപകടത്തിന് കാരണമെന്ന് സംശയിക്കുന്നു. റോഡരികില്‍ ട്രക്ക് പാര്‍ക്ക് ചെയ്തതിന് ട്രക്ക് ഡ്രൈവര്‍ക്കെതിരെയും കേസ് എടുത്തിട്ടുണ്ട്