വിശ്വാസവോട്ടെടുപ്പ്: ദൃശ്യങ്ങള്‍ സമര്‍പ്പിക്കണമെന്ന് ഹൈക്കോടതി

ചെന്നൈ: തമിഴ്നാട് നിയസഭയിലെ വിശ്വാസ വോട്ടെടുപ്പ് നടന്ന ദിവസത്തെ വീഡിയോ സമര്‍പ്പിക്കണമെന്ന് മദ്രാസ് ഹൈക്കോടതി ആവശ്യപ്പെട്ടു. വിശ്വാസ വോട്ടെടുപ്പ് റദ്ദാക്കണമെന്ന് ആവശ്യപ്പെട്ട് ഡി.എം.കെ വർക്കിങ് പ്രസിഡന്‍റ് എം.കെ സ്റ്റാലിൻ സമര്‍പ്പിച്ച ഹര്‍ജിയിലാണ് കോടതിയുടെ ഉത്തരവ്.

ജനാധിപത്യ അവകാശങ്ങൾ ഹനിക്കുന്ന സംഭവങ്ങളാണ് നിയമസഭയില്‍ അന്ന് നടന്നതെന്ന് സ്റ്റാലിന്‍ ഹര്‍ജിയില്‍ ആരോപിച്ചു.​ പ്രതിപക്ഷ എം.എൽ.എമാരെ നിർബന്ധിച്ച്​ സഭയിൽ നിന്ന്​ പുറത്താക്കി. രഹസ്യ ബാലറ്റ് ഉപയോഗിക്കാന്‍ ഗവര്‍ണര്‍ തയ്യാറായില്ല. ജനങ്ങൾക്കിടയിൽ പ്രചാരണം നടത്താൻ സമയം അനുവദിക്കാതെ വേഗത്തിൽ​ വിശ്വാസ വോട്ടെടുപ്പ്​ നടത്തി എന്നിവയാണ്​ സ്റ്റാലിന്‍ ഹര്‍ജിയില്‍ ഉന്നയിച്ചിരിക്കുന്ന പ്രധാന ആരോപണങ്ങൾ​. കേസ്​ തിങ്കളാഴ്​ച വീണ്ടും പരിഗണിക്കും.

Madras Highcourt demanded to submit video of trust vote

Madras Highcourt considered Stalin's plea on trust vote.