ന്യൂഡൽഹി: മഹാരാഷ്ട്രയിലെ ഗഡ്ചിറോളിയിൽ മാവോയിസ്റ്റ് ആക്രമണത്തിൽ പതിനഞ്ച് സൈനികരും ഡ്രൈവറും കൊല്ലപ്പെട്ട സാഹചര്യത്തിൽ സംഭവത്തിന്റെ ധാർമിക ഉത്തരവാദിത്വം ഏറ്റെടുത്ത് മുഖ്യമന്ത്രി ദേവേന്ദ്ര ഫഡ്നാവിസ് രാജിവെയ്ക്കണമെന്ന് കോൺഗ്രസ് വക്താവ് രാഗിണി നായക്. ഗഡ്ചിറോളിയിലേത് ഗുരുതര സുരക്ഷാ വീഴ്ചയാണ്. കേന്ദ്ര ആഭ്യന്തര മന്ത്രാലയത്തിന് സുരക്ഷാ വീഴ്ചയുടെ ഉത്തരവാദിത്വം ഏറ്റെടുക്കാനുള്ള ബാധ്യതയുണ്ടെന്നും രാഗിണി നായക് പറഞ്ഞു. കഴിഞ്ഞ ദിവസമാണ് തെരഞ്ഞെടുപ്പ് ഡ്യൂട്ടി കഴിഞ്ഞ് മടങ്ങുകയായിരുന്ന സൈനികർക്കുനേരെ മാവോയിസ്റ്റ് ആക്രമണം ഉണ്ടായത്.
സൈനികരുടെ വാഹനം ഐഇഡി സ്ഫോടനത്തിലൂടെയാണ് മാവോയിസ്റ്റുകൾ തകർത്തത്. സ്വകാര്യവാഹനത്തിലായിരുന്നു സൈനികരുടെ സഞ്ചാരം.
സൈനികരുടെ വാഹനം ഐഇഡി സ്ഫോടനത്തിലൂടെയാണ് മാവോയിസ്റ്റുകൾ തകർത്തത്. സ്വകാര്യവാഹനത്തിലായിരുന്നു സൈനികരുടെ സഞ്ചാരം.