മഹാരാഷ്‌ട്രയിലെ സ്‌കൂളുകളിൽ ഫാസ്റ്റ് ഫുഡിന് നിയന്ത്രണം

മുംബൈ: വിദ്യാഭ്യാസ സ്ഥാപനങ്ങളില്‍ ഫാസ്റ്റ് ഫുഡിന് നിയന്ത്രണം ഏർപ്പെടുത്തി മഹാരാഷ്ട്ര സർക്കാർ. മഹാരാഷ്ട്ര ഫുഡ് ആൻഡ് ഡ്രഗ്‌സ് അഡ്മിനിസ്‌ട്രേഷനാണ് മഹാരാഷ്ട്രയിലെ സ്‌കൂളുകൾക്ക് നിർദേശം നൽകിയത്. പഞ്ചസാര, ഉപ്പ്,കൊഴുപ്പ് എന്നിവ അമിതമായ തോതില്‍ അടങ്ങിയ ഭക്ഷ്യവസ്‌തുക്കൾ നിയന്ത്രിക്കണമെന്നാണ് ഉത്തരവ്.

വിദ്യാർഥികൾക്ക് ഫാസ്റ്റ് ഫുഡിന് പകരം പ്രോട്ടീനും കാർബോഹൈഡ്രേറ്റും അടങ്ങിയ ഭക്ഷണം ധാരാളമായി നൽകണമെന്നാണ് ഫുഡ് ആൻഡ് ഡ്രഗ്‌സ് അഡ്മിനിസ്‌ട്രേഷൻ നൽകുന്ന ഉത്തരവ്. കുട്ടികളുടെ ഇടയിൽ ആരോഗ്യദായകമായ ശരിയായ ഭക്ഷണക്രമം പ്രചരിപ്പിക്കുക എന്ന ലക്ഷ്യത്തോടെയാണ് പുതിയ നിർദേശം നൽകിയിരിക്കുന്നത്. കുട്ടികളുടെ ഇടയിൽ പൊണ്ണത്തടിയും പ്രമേഹവും വർധിച്ചു വരുന്നെന്ന കണ്ടെത്തലാണ് പുതിയ നിർദേശത്തിന് പിന്നിൽ.