നീരവ് മോദിയുടെയും ചോക്സിയുടെയും അനധികൃത ബംഗ്ലാവുകൾ ഇടിച്ചു നിരത്തും

മുംബൈ: പഞ്ചാബ് നാഷണല്‍ ബാങ്ക് തട്ടിപ്പ് കേസിലെ പ്രധാന പ്രതികളായ നീരവ് മോദിയുടെയും അമ്മാവൻ മെഹുൽ ചോക്സിയുടെയും അനധികൃത ബംഗ്ലാവുകൾ ഇടിച്ചു നിർത്താനൊരുങ്ങി മഹാരാഷ്ട്ര സർക്കാർ. ‌മഹാരാഷ്ട്രയിലെ റായ്ഗഡ് ജില്ലയിലാണ് ഇരുവരുടെയും ബംഗ്ലാവുകളുള്ളത്.

ഇവിടെ തീരദേശ നിയന്ത്രണ മേഖലയിൽ ചട്ടങ്ങള്‍ ലംഘിച്ചു നിർമിച്ച 121 ബംഗ്ലാവുകൾ കണ്ടെത്തിയിരുന്നു. ഇവ പൊളിച്ചു നീക്കാനുള്ള തീരുമാനം എൻഫോഴ്സ്മെന്‍റ് ഡയറക്ടറേറ്റിനെ അറിയിച്ചിട്ടുണ്ടെന്നും അനുമതി ലഭിച്ചയുടന്‍ നടപടികളുമായി മുന്നോട്ടുപോകുമെന്നുമാണ് ഔദ്യോഗിക വൃത്തങ്ങള്‍ അറിയിച്ചിരിക്കുന്നത്.

മോദിയുടെയും ചോക്സിയുടെയും ബംഗ്ലാവുകൾ ഒഴികെയുള്ളവയുടെ കാര്യത്തിൽ മുംബൈ ഹൈക്കോടതിയും മറ്റു കോടതികളും നല്‍കിയ സ്റ്റേ നിലവിലുണ്ടെന്നും ഇവയെല്ലാം ദേശീയ ഹരിത ട്രിബ്യുണലിനു കൈമാറിയിട്ടുണ്ടെന്നുമാണ് റിപ്പോര്‍ട്ട്