കര്‍ഷക കടം എഴുതിത്തള്ളാമെന്ന് മഹാരാഷ്ട്ര സര്‍ക്കാര്‍

മുംബൈ: വിവിധ ആവശ്യങ്ങള്‍ ഉന്നയിച്ച് മധ്യപ്രദേശിലെ കര്‍ഷകര്‍ പ്രക്ഷോഭം തുടരുന്നതിനിടെ മഹാരാഷ്ട്രയിലെ കര്‍ഷക കടങ്ങള്‍ എഴുതിത്തള്ളാന്‍ സര്‍ക്കാര്‍ തീരുമാനം. ഇതോടെ കര്‍ഷകര്‍ നടത്താനിരുന്ന പ്രക്ഷോഭം പിന്‍വലിച്ചു.

ലോണ്‍ എഴുതിത്തള്ളണമെന്നതുള്‍പ്പെടെയുള്ള ആവശ്യങ്ങള്‍ സര്‍ക്കാര്‍ അംഗീകരിച്ചെന്നും അതിനാല്‍ സമരത്തില്‍നിന്ന് പിന്മാറുകയാണെന്നും കര്‍ഷകരുടെ നേതാവ് രാജു ഷെട്ടി വാര്‍ത്താ ഏജന്‍സിയായ എഎന്‍ഐയോട് പറഞ്ഞു. സര്‍ക്കാര്‍ വാഗ്‍ദാനത്തില്‍നിന്ന് പിന്മാറിയാല്‍ ജൂലൈ 25ന് സമരം വീണ്ടും തുടങ്ങുമെന്നും അദ്ദേഹം പറഞ്ഞു.

പ്രശ്‍നപരിഹാരത്തിനായി മുഖ്യമന്ത്രി ദേവേന്ദ്ര ഫഡ്‍നാവിസ് രൂപീകരിച്ച മന്ത്രിതല സമിതിയുമായി കര്‍ഷകര്‍ ഞായറാഴ്‍ച ചര്‍ച്ച നടത്തിയിരുന്നു. ഇതിനെത്തുടര്‍ന്നാണ് തീരുമാനം. മഹാരാഷ്ട്രയിലെ കര്‍ഷകര്‍ 11 ദിവസമായി സമരത്തിലായിരുന്നു. ആവശ്യങ്ങള്‍ അംഗീകരിച്ചില്ലെങ്കില്‍ ജൂണ്‍ 12 മുതല്‍ സമരം ശക്തമാക്കാനിരിക്കുകയായിരുന്നു കര്‍ഷകര്‍.

Maharashtra govt announces loan waiver for farmers

Farmers in Maharashtra called off their planned protest as the state government announced its decision to waive their loans on Sunday.