'മഹാ'നാടകം; അജിത് പവാറും സുപ്രീം കോടതിയിലേക്ക്?

മുംബൈ: മഹാരാഷ്ട്ര ഉപമുഖ്യമന്ത്രിയായി ശനിയാഴ്ച സത്യപ്രതിജ്ഞ ചെയ്ത അജിത് പവാര്‍ സുപ്രീം കോടതിയിലേക്ക്. അജിത് പവാര്‍ അഭിഭാഷകരുമായി കൂടിക്കാഴ്ച നടത്തി. നിയമസഭകക്ഷി കക്ഷിനേതൃസ്ഥാനത്തുനിന്നും അജിത് പവാറിനെ നീക്കിയതിനെതിരെയാണ് കോടതിയെ സമീപിക്കുന്നത്. ബിജെപി നേതാക്കളുമായും അജിത് പവാര്‍ ചര്‍ച്ച നടത്തി.

Also Read: എല്ലാ കണ്ണുകളും സുപ്രീംകോടതിയിലേക്ക്; 'മഹാരാഷ്ട്രീയ'ത്തിൽ എന്ത് വിധിക്കും?

ശിവസേന, കോണ്‍ഗ്രസ്. എന്‍സിപി എന്നീ പാര്‍ട്ടികള്‍ സമര്‍പ്പിച്ച ഹര്‍ജി ഞായറാഴ്ച പരിഗണിക്കും. ഞായറാഴ്ച 11.30 യ്ക്കാണ് ഹര്‍ജി പരിഗണിക്കുക. മഹാരാഷ്ട്ര മുഖ്യമന്ത്രിയായി ദേവേന്ദ്ര ഫഡ്‌നാവിസ് സത്യപ്രതിജ്ഞ ചെയ്തത് റദ്ദാക്കാനാണ് ഹര്‍ജി സമര്‍പ്പിച്ചത്. ജസ്റ്റിസുമാരായ എന്‍ വി രമണ, അശോക് ഭൂഷണ്‍, സഞ്ജീവ് ഖന്ന എന്നിവരടങ്ങിയ ബെഞ്ചാണ് ഹര്‍ജി പരിഗണിക്കുക.

Also Read: അജിത് പവാറിനൊപ്പം 3 എംഎൽഎമാർ മാത്രം? ഭൂരിപക്ഷം തെളിയിക്കാൻ ബിജെപി പാടുപെടും

മൂന്നു പാര്‍ട്ടികളും സമര്‍പ്പിച്ച ഹര്‍ജിയില്‍ സുപ്രീം കോടതിയുടെ ഇടപെടല്‍ എന്തായിരിക്കുമെന്നാണ് ഏവരും ഉറ്റുനോക്കുന്നത്. കര്‍ണാടക മോഡല്‍ ആകും സുപ്രീംകോടതിയുടെ ഭാഗത്തുനിന്നും പ്രതീക്ഷിക്കുന്നത്.