'അധികാരത്തിൽ മമതയുടെ നാളുകൾ എണ്ണപ്പെട്ടു': ബിജെപി

ന്യൂഡൽഹി: പശ്ചിമ ബംഗാൾ മുഖ്യമന്ത്രി മമത ബാനർജിക്കെതിരെ ആഞ്ഞടിച്ച് ബിജെപി. മമതയുടെ അധികാരത്തിലുള്ള ദിനങ്ങൾ എണ്ണപ്പെട്ടുവെന്ന് ബിജെപി അധ്യക്ഷൻ ജെപി നഡ്ഡ പറഞ്ഞു. സമാധാനപരമായി പ്രതിഷേധിച്ചവർക്കെതിരെയുള്ള നടപടികൾ മമതയുടെ നിരാശയാണ് കാണിക്കുന്നതെന്ന് ബിജെപി അധ്യക്ഷൻ പറഞ്ഞു.

Also Read: കേന്ദ്രമന്ത്രിയും എൽജെപി നേതാവുമായ രാം വിലാസ് പാസ്വാൻ അന്തരിച്ചു

'സമാധാനപരമായി പ്രതിഷേധിച്ചവർക്കെതിരെ നാടൻ ബോംബെറിഞ്ഞു. പ്രതിഷേധക്കാർക്കു നേരെ ജലപീരങ്കി പ്രയോഗിച്ചു. ഇത് മമതയുടെ നിരാശയാണ് കാണിക്കുന്നത്. അവരുടെ അധികാരത്തിലുള്ള ദിനങ്ങൾ എണ്ണപ്പെട്ടുവെന്ന് അവർക്ക് അറിയാം.' അവരുടെ സ്വേച്ഛാധിപത്യ സർക്കാരിനെ ജനങ്ങൾ പുറത്താക്കുമെന്നും നഡ്ഡ ട്വീറ്റ് ചെയ്തു.

Also Read: ടിആർപി തട്ടിപ്പ്; റിപ്പബ്ലിക്ക് ടിവി അടക്കം മൂന്ന് ചാനലുകൾക്കെതിരെ ആന്വേഷണം

വ്യാഴാഴ്ച പശ്ചിമ ബംഗാൾ സെക്രട്ടറിയേറ്റിലേക്ക് ബിജെപി നടത്തിയ മാർച്ച് അക്രമാസക്തമാകുകയും പോലീസ് ജലപീരങ്കി പ്രയോഗിക്കുകയും ചെയ്തിരുന്നു. പ്രതിഷേധക്കാർക്കു നേരെ ലാത്തിച്ചാർജ്ജും കണ്ണീർവാതകവും പ്രയോഗിച്ചു. സംസ്ഥാനത്തെ ക്രമസമാധാന നില തകരാറിലാണെന്ന് ആരോപിച്ചാണ് ബിജെപി നാർച്ച് നടത്തിയത്.