പൂനെ: കാമുകിയുടെ മകനെ തിളച്ച വെള്ളത്തില് മുക്കിക്കൊലപ്പെടുത്തി യുവാവ്. 15 മാസം മാത്രം പ്രായമുള്ള ആണ്കുട്ടിയാണ് അതിക്രൂരമായി കൊല്ലപ്പെട്ടത്. കൊല്ലപ്പെട്ട കുഞ്ഞിന്റെ അമ്മയും പ്രതിയായ യുവാവും തമ്മില് അടുപ്പത്തിലായിരുന്നു. യുവതി വിവാഹത്തിന് വിസമ്മതിച്ചതിനെ തുടര്ന്നാണ് കൊലപാതകം നടത്തിയത്. ഏപ്രില് ആറാം തീയതിയാണ് സംഭവം നടന്നത്.
കുട്ടിയുടെ കരച്ചില് കേട്ട് ഓടിയെത്തിയവരോട് അപകടം പറ്റിയതാണെന്നാണ് യുവാവ് പറഞ്ഞത്. തിളച്ച വെള്ളം നിറച്ചുവെച്ച ബക്കറ്റില് കുട്ടി അബദ്ധത്തില് തട്ടിയെന്നും വെള്ളം മറിഞ്ഞ് വീഴുകയായിരുന്നുവെന്നുമാണ് യുവാവ് എല്ലാവരെയും വിശ്വസിപ്പിക്കാന് ശ്രമിച്ചു. എന്നാല് യുവതിയുടെ ഭര്തൃസഹോദരിക്ക് പ്രതി കുട്ടിയെ കൊലപ്പെടുത്തുന്നത് നേരിട്ട് കണ്ടിരുന്നു. ഇത് മനസിലാക്കിയ പ്രതി ഭീഷണിപ്പെടുത്തി നിശബ്ദയാക്കി. എന്നാല് കുട്ടിയുടെ മരണശേഷം ഭര്തൃസഹോദരി വിവരം കുട്ടിയുടെ അമ്മയെ അറിയിക്കുകയും ഇവര് പോലീസില് പരാതി നല്കുകയുമായിരുന്നു. സംഭവത്തില് കൂടുതല് അന്വേഷണം നടന്നുവരികയാണ്.
Read Latest National News and Malayalam News