ഫോറസ്റ്റ് ഉദ്യോഗസ്ഥൻ ചമഞ്ഞ് പതിനഞ്ചുകാരിയെ പീഡിപ്പിച്ചു; 29കാരൻ അറസ്റ്റിൽ

മധുരൈ: ഫോറസ്റ്റ് ഉദ്യോഗസ്ഥൻ ചമഞ്ഞ് 15കാരിയെ പീഡിപ്പിച്ച കേസിൽ 29കാരൻ അറസ്റ്റിലായി. പെൺകുട്ടിയും സുഹൃത്തും ചേർന്ന് അലഗാർകോവിൽ മലയിലെത്തിയപ്പോഴായിരുന്നു സംഭവം. ക്ഷേത്ര ദർശനം നടത്തിയ പെൺകുട്ടിയും സുഹൃത്തും ഫോറസ്റ്റിന്‍റെ സമീപതെത്തിയപ്പോഴാണ് എസ് നാച്ചനെന്നായാൾ ഇരുവരെയും ഭീഷണിപ്പെടുത്തിയതും പെൺകുട്ടിയെ പീഡിപ്പിച്ചതും.

മേലൂരിന് സമീപത്തെ ഉപ്പഡൈപട്ടി സ്വദേശിയായ നാച്ചനെ പോലീസ് അറസ്റ്റ് ചെയ്തിട്ടുണ്ട്. ഇരുവരെയും ഭീഷണിപ്പെടുത്തിയശേഷം പെൺകുട്ടിയെ ആളൊഴിഞ്ഞ സ്ഥലത്തേക്ക് കൂട്ടിക്കൊണ്ടുപോയ ശേഷമായിരുന്നു ഇയാൾ പീഡിപ്പിച്ചത്. പോക്സോ ആക്ട് പ്രകാരം കേസെടുത്താണ് നാച്ചനെ അറസ്റ്റ് ചെയ്തത്.

പെൺകുട്ടിയും സുഹൃത്ത് ശരവണനും വീട്ടുകാരുടെ സമ്മതത്തോടെയായിരുന്നു അലഗാറിലെത്തിയത്. ക്ഷേത്ര ദർശനത്തിന് പിന്നാലെ ഇരുവരും ഫോറസ്റ്റിലേക്ക് കടന്നതോടെയാണ് നാച്ചൻ ഇവർക്കരികിലെത്തുന്നതും ഭീഷണിപ്പെടുത്തുന്നതും. ഇരുവരെയും ഭീഷണിപ്പെടുത്തിയ ഇയാൾ ഇവരുടെ കൈയ്യിലുണ്ടായിരുന്ന മൊബൈൽഫോണും പണവും തട്ടിയെടുത്ത ശേഷമായിരുന്നു പെൺകുട്ടിയെ ആളൊഴിഞ്ഞ സ്ഥലത്തേക്ക് കൊണ്ടുപോയത്.

ശരവണനെ ഭീഷണിപ്പെടുത്തി നിർത്തിയ ശേഷമായിരുന്നു പെൺകുട്ടിയെ ഇയാൾ പീഡിപ്പിച്ചത്. സംഭവത്തിനു പിന്നാലെ വീട്ടിലെത്തിയ പെൺകുട്ടി മാതാപിതാക്കളോട് നടന്നതൊക്കെ പറയുകയായിരുന്നു. വീട്ടുകാർ നൽകിയ പരാതിയുടെ അടിസ്ഥാനത്തിൽ പോലീസ് പ്രതിയെ അറസ്റ്റ് ചെയ്യുകയും ചെയ്തു.