ഗുജറാത്തില്‍ വീണ്ടും ആൾക്കൂട്ട ആക്രമണം: ഒരാൾ കൊല്ലപ്പെട്ടു

ന്യൂഡൽഹി: ഗുജറാത്തില്‍ മൊബൈൽ മോഷ്ടാക്കൾ എന്നാരോപിച്ച് ആള്‍ക്കൂട്ടം നടത്തിയ ആക്രമണത്തില്‍ ഒരാള്‍ കൊല്ലപ്പെട്ടു. ദഹോദ് ജില്ലയിലുള്ള കാളി മഹുദി ഗ്രാമത്തിലാണ് സംഭവം. ഇരുപതോളം വരുന്ന സംഘമാണ് ആക്രമണം നടത്തിയത്.

കൊല്ലപ്പെട്ടയാളെ തിരിച്ചറിഞ്ഞിട്ടുണ്ട്. സമീപ ഗ്രാമമായ ഉന്‍ദാറിലുള്ള അജ്മല്‍ വഹോനിയ എന്ന 22 കാരനാണ് മരിച്ചത്. അംബാലി ഖജുരിയ ഗ്രാമത്തില്‍ നിന്നുള്ള ഭാരു മാതുറിനാണ് (25) ഗുരുതരമായി പരിക്കേറ്റത്. കൊല്ലപ്പെട്ട അജ്മല്‍ വഹോനിയയും സുഹൃത്തും 32 ഒാളം മോഷണ കേസുകളിൽ പ്രതികളായിരുന്നു.

ജയില്‍ ശിക്ഷക്കു ശേഷം ഇരുവരും ദിവസങ്ങള്‍ക്ക് മുന്‍പാണ് ഗ്രാമത്തിലെത്തിയതെന്ന് പൊലീസ് പറഞ്ഞു. സംഭവത്തില്‍ കേസെടുത്ത പോലീസ് ആരെയും ആരെയും അറസ്റ്റ് ചെയ്തിട്ടില്ല. അക്രമം നടത്തിയവരെ പിടികൂടാനുള്ള ശ്രമത്തിലാണെന്ന് പോലീസ് പറഞ്ഞു.