അടിവസ്ത്രത്തിന്‍റെ നീളം കുറഞ്ഞു; തയ്യല്‍ക്കാരനെതിരെ നടപടിയെടുക്കണമെന്നാവശ്യപ്പെട്ട് പോലീസില്‍ പരാതി

തയ്ക്കാന്‍ നല്‍കിയ അടിവസ്ത്രത്തിന്റെ നീളം കുറഞ്ഞതിന് തയ്യല്‍ക്കാരനെതിരെ നടപടിയെടുക്കണമെന്നാവശ്യപ്പെട്ട് പൊലീസില്‍ പരാതി. 46 കാരനായ യുവാവ് ആണ് പരാതി നല്‍കിയിരിക്കുന്നത്. മധ്യപ്രദേശിലെ ഭോപാലിലാണ് സംഭവം നടന്നത്.

Also Read: പശുവിന്‍റെ മൂത്രം കുടിക്കുന്നവര്‍ കൊവിഡില്‍ നിന്നും രക്ഷപ്പെടും; വിവാദ പ്രസ്താവനയുമായി ബംഗാൾ ബിജെപി അധ്യക്ഷൻ

അടിവസ്ത്രം തയ്ക്കാനായി യുവാവ് രണ്ട് മീറ്റര്‍ നീളത്തിലുള്ള തുണി വാങ്ങി നല്‍കി. എന്നാല്‍ തയ്ച്ച് കിട്ടിയപ്പോള്‍ നീളം കുറഞ്ഞു. നീളം കൂട്ടിത്തരാൻ ആവശ്യപ്പെട്ട് തയ്യല്‍ക്കാരന്‍റെ അടുത്ത് എത്തിയപ്പോള്‍ അദ്ദേഹം അതിന് തയ്യാറായില്ലെന്ന് യുവാവ് പോലീസില്‍ നല്‍കിയ പരാതിയില്‍ പറയുന്നു.

Also Read: ഇന്ത്യയില്‍ മൂന്ന് സംസ്ഥാനങ്ങള്‍ പൂര്‍ണ്ണമായും ഹോട്ട്സ്പോട്ടുകളാകുന്നു; വൈറസ് ബാധ കൂടുന്നതിനുള്ള കാരണങ്ങള്‍ പുറത്തുവിട്ട് പഠനങ്ങള്‍

സുരക്ഷ ജീവനക്കാരനായി ജോലി ചെയ്യുകയായിരുന്നു യുവാവ്. ലോക്ക്ഡൗൺ കാരണം യുവാവിന്‍റെ ജോലി നഷ്ടപ്പെട്ടിരുന്നു. കടം വാങ്ങിയാണ് താന്‍ ജീവിക്കുന്നത്. ഇതിന്‍റെ ഇടയിലാണ് തയ്യൽക്കാരനും തന്നെ വഞ്ചിച്ചതെന്ന് യുവാവ് പോലീസ് നല്‍കിയ പരാതിയില്‍ പറയുന്നു.