റാഞ്ചി: ഭാര്യയുടെ കാമുകനെ കഴുത്തറുത്ത് കൊന്ന് യുവാവ്. ജാര്ഖണ്ഡിലെ ലോഞ്ചോ ഗ്രാമത്തിലാണ് സംഭവം. രാത്രി വീട്ടില് വന്നപ്പോള് കിടക്കയില് ഭാര്യയ്ക്കൊപ്പം കാമുകനെ കണ്ടതോടെയാണ് യുവാവ് അരുംകൊല നടത്തിയത്. പ്രതി വിശ്വനാഥന് സന്ദിയെ പോലീസ് അറസ്റ്റ് ചെയ്തു. സംഭവത്തില് കൂടുതല് അന്വേഷണം നടത്തി വരുന്നതായി പോലീസ് അറിയിച്ചു.
ഭാര്യയ്ക്കൊപ്പം ശ്യാംലാലിനെ കണ്ട വിശ്വനാഥന് ഇയാളെ വലിച്ചിഴച്ച് പുറത്തേയ്ക്ക് കൊണ്ടുപോയി. മരത്തില് കെട്ടിയിട്ട് ശ്യാം ലാലിനെ ക്രൂരമായി മര്ദ്ദിക്കുകയായിരുന്നു. തുടര്ന്ന് കോടാലി കൊണ്ട് ശ്യാം ലാലിന്റെ കഴുത്തറുത്ത് കൊലപ്പെടുത്തുകയായിരുന്നു. സംഭവ സ്ഥലത്ത് വെച്ച് തന്നെ ശ്യാംലാല് കൊല്ലപ്പെട്ടു. തുടര്ന്ന് നാട്ടുകാര് അറിയിച്ചതിനെ തുടര്ന്ന് സംഭവ സ്ഥലത്തെത്തിയ പോലീസ് ഇയാളെ അറസ്റ്റ് ചെയ്യുകയായിരുന്നു. കൊല നടത്താന് ഉപയോഗിച്ച കോടാലിയും കണ്ടെടുത്തിട്ടുണ്ട്. ശ്യാംലാലിന്റെ മൃതദേഹം പോസ്റ്റ് മോര്ട്ടം നടപടികള്ക്ക് ശേഷം ബന്ധുക്കള്ക്ക് വിട്ടുനല്കി.
Read Latest National News and Malayalam News