ഫേസ്ബുക്ക് ലൈവ് നല്‍കി യുവാവ് തൂങ്ങിമരിച്ചു

ഗുരുഗ്രാം: ഡല്‍ഹിയിലെ ഗുരുഗ്രാമില്‍ ഫെയ്‌സ്ബുക്കില്‍ ലൈവിട്ടു കൊണ്ട്‌ യുവാവ് വീട്ടിലെ സീലിങ് ഫാനില്‍ തൂങ്ങി മരിച്ചു. അമിത് ചൗഹാന്‍ (28) ആണ് മരിച്ചത്. ഭാര്യയുമായുള്ള വഴക്കിനൊടുവില്‍ ഇയാള്‍ തൂങ്ങിമരിക്കുകയായിരുന്നു.

ഭാര്യ പ്രീതിയുമായുണ്ടായ കലഹമാണ് ആത്മഹത്യയ്ക്ക് പ്രേരിപ്പിച്ചതെന്ന് പോലീസ് പറയുന്നു. തിങ്കളാഴ്ചയുണ്ടായ വഴക്കിനെ തുടര്‍ന്ന് പ്രീതി മാതാപിതാക്കളെ വിളിച്ചു വരുത്തുകയും അവരോടൊപ്പം സ്വന്തം വീട്ടിലേക്ക് പോവുകയും ചെയ്തു.

ഇതിലുണ്ടായ മനോവിഷമത്തെ തുടര്‍ന്ന് ഫെയ്‌സ്ബുക്കില്‍ ലൈവ് ചെയ്തുകൊണ്ട്‌ അമിത് തൂങ്ങി മരിക്കുകയായിരുന്നു. ആത്മഹത്യക്ക് തൊട്ടുമുമ്പ്‌ തന്റെ വീഡിയോ ഷെയര്‍ ചെയ്യണമെന്ന സുഹൃത്തുക്കളോട് ആവശ്യപ്പെടുന്ന മറ്റൊരു വീഡിയോയും പോസ്റ്റ് ചെയ്തിരുന്നു. യുവാവ് വിഷാദരോഗത്തിന് അടിമയായിരുന്നുവെന്ന് പോലീസ് പറയുന്നു