കൊറോണ ഭീതി; രോ​ഗം ബാധിച്ച് മരിച്ച അമ്മയുടെ മൃതദേഹം ഏറ്റുവാങ്ങാൻ മടിച്ച് മകൻ

ലുധിയാന: കൊറോണ വൈറസ് ബാധിച്ച് ആശുപത്രിയിൽ മരിച്ച 69കാരിയുടെ മൃതദേഹം ഏറ്റുവാങ്ങാൻ വിസമ്മതിച്ച് കുടുംബം. രോഗം പടരാതിരിക്കാനുള്ള സുരാക്ഷാ സജ്ജീകരണങ്ങൾ ഒരുക്കമെന്നും മൃതദേഹം സംസ്കരിക്കണമെന്നും ആവശ്യപ്പെട്ടിരുന്നെങ്കിലും മകൻ അടക്കമുള്ള കുടുംബാഗങ്ങൾ വിസമ്മതിക്കുകയായിരുന്നുവെന്ന് അധികൃതർ പറഞ്ഞു. മൃതദേഹം ജില്ലാ അധികൃതരോട് സംസ്കരിക്കാൻ
കുടുംബം ആവശ്യപ്പെട്ടിരുന്നതായും ഡിസിപി ഇഖ്ബൽ സിംഗ് പറഞ്ഞു.


ലുധിയാനയിലെ ഷിംലാപുർ സ്വദേശിയായ കൗർ എന്ന സ്ത്രീയെ മാർച്ച് 31നാണ് കൊറോണ ബാധിച്ച് ആശുപത്രിയിൽ പ്രവേശിപ്പിച്ചത്. തുടർന്ന് ഞായറാഴ്ച കൗർ മരിച്ചു. മരണം വിവരം ആശുപത്രി അധികൃതർ കുടുംബത്തെ അറിയിച്ചിരുന്നെങ്കിലും മൃതദേഹം ഏറ്റുവാങ്ങാൻ ആരും വന്നിരുന്നില്ല. മരിച്ചയാളുടെ മകൻ ഉൾപ്പെടെയുള്ള ബന്ധുക്കൾ മൃതദേഹം ഏറ്റുവാങ്ങാൻ വരാതിരുന്നത് എല്ലാവരേയും ഞെട്ടിച്ചതായി ജില്ലാ ഭരണകൂടം പറഞ്ഞു.

Also Read: ബോറിസ് ജോൺസൺ ഐസിയുവിൽ; 'ബ്രിട്ടീഷ് പ്രധാനമന്ത്രിയുടെ നില ഗുരുതരം'


മൃതദേഹം ഏറ്റുവാങ്ങണമെന്നാവശ്യപ്പെട്ട് രണ്ടുതവണ കുടുംബത്തെ അധികൃതർ സമീപിച്ചിരുന്നു. തിങ്കളാഴ്ച രാത്രിയാണ് അധികൃതർ സ്ത്രീയുടെ സംസ്കാരച്ചടങ്ങുകൾ നടത്തിയത്. 100 മീറ്റർ അകലെനിന്നായിരുന്നു മകനും മറ്റ് കുടുംബാംഗങ്ങളും സംസ്കാരച്ചടങ്ങിൽ പങ്കെടുത്തിരുന്നത്.